У Быхаве загадчыца аптэкі «зарабіла» больш за 90 тысяч рублёў на махінацыях з лекамі
У Быхаве кіраўніца аптэкі займалася махінацыямі з продажам лекаў і незаконна прысвоіла больш за 90 тысяч рублёў.
Як высветлілі супрацоўнікі міліцыі, яна прадавала лекі па поўнай цане, але ў дакументах пазначала, што яны былі адпушчаныя па льготных рэцэптах. Чэкі пакупнікам не выдавала, а розніцу паміж поўнай цаной і льготнай клала сабе ў кішэню.
Такія дзеянні цягам некалькіх гадоў прынеслі жанчыне значную суму — больш за 90 тысяч рублёў. Цяпер супраць яе распачалі крымінальную справу за прысваенне або растрату маёмасці. Жанчыне пагражае пазбаўленне волі на тэрмін да 12 гадоў.
Цяпер чытаюць
Амаль усе чаты і суполкі калоній і СІЗА Беларусі прызналі экстрэмісцкімі фармаваннямі. Пад пагрозай тысячы чалавек4
Каментары