У Мінску жанчына насіла корм галубам цэлымі вёдрамі. Яе аштрафавалі
Жыхарку мінскага мікрараёна Сухарава аштрафавалі за тое, што яна карміла галубоў каля шматпавярховых дамоў. Яе дзеянні не спадабаліся суседзям, якія паскардзіліся ў ЖЭС — жанчына раскідала зерне і іншы корм у дварах і на зялёных зонах, што прыводзіла да забруджвання тэрыторыі, пішуць «Мінск-Навіны».
Спачатку жанчыну папярэджвалі, але яна не спынілася — наадварот, пачала прыносіць корм цэлымі вёдрамі. У выніку яе аштрафавалі паводле артыкула 22.12 Кодэкса аб адміністрацыйных правапарушэннях. Але і пасля гэтага яна працягвала карміць птушак.
Суседзі склалі калектыўную скаргу, і пасля праверкі камунальнікі зноў прыцягнулі жанчыну да адказнасці. Жанчына патлумачыла, што чула на царкоўнай службе пра тое, што птушкі — гэта «працяг душы», а таму іх трэба карміць. Яна сцвярджала, што не думала пра негатыўныя наступствы сваіх дзеянняў.
Пазней жанчына абяцала больш не карміць птушак каля дамоў, але ўжо ў чэрвені зноў пачала гэта рабіць — праўда, меншымі аб’ёмамі і ў іншы час сутак. Сведкі кажуць, што яна рабіла гэта раніцай або ўвечары.
ЖЭС арганізаваў сустрэчу з удзелам абодвух бакоў, падчас яе жанчына паведаміла, што цяпер плануе карміць птушак у іншых месцах, далей ад жылля — напрыклад, каля МКАД.
Па словах адміністрацыі Фрунзенскага раёна, новых скаргаў пакуль не паступала, але калі яны з’явяцца, справу зноў будуць разглядаць.
Цяпер чытаюць
Віктар Лукашэнка засвяціў на пасяджэнні НАК свой гадзіннік — цяжкі люкс15
Віктар Лукашэнка засвяціў на пасяджэнні НАК свой гадзіннік — цяжкі люкс
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю77
Каментары