Пад Быхавам адкрылі помнік археалагічнай знаходцы 1960 года. Ён падобны да надмагілля
У лесе пад Быхавам урачыста адкрылі помнік на месцы, дзе ў 1960 годзе знайшлі крэмневае скрэбла, зробленае неандэртальцам. Менавіта тут археолаг Леанід Побаль знайшоў прыладу працы мусцьерскай эпохі (каля 40 тысяч гадоў да нашай эры), якой першабытныя людзі апрацоўвалі шкуры жывёл, піша Mayday.team.
Помнік, які заказалі ў агенцтве рытуальных паслуг, паставілі ва ўрочышчы Красная Горка. На адкрыццё прыехала дэпутатка Палаты прадстаўнікоў Аляксандра Міхеенка, яе суправаджаў старшыня Быхаўскага райсавета Вячаслаў Сідарэнка. Яны разам перарэзалі чырвоную стужку.
Чыноўнікі сцвярджаюць, што камень, які выглядае як надмагілле і стаіць у лесе на квадратным участку з тратуарнай пліткі, «арганічна ўпісваецца ў прыродны ландшафт». Міхеенка таксама адзначыла, што помнік можа стаць дадатковай турыстычнай адметнасцю для Быхаўскага раёна.
Сам артэфакт — тое самае скрэбла — ужо шмат гадоў захоўваецца ў Нацыянальным гістарычным музеі ў зале археалогіі. Чаму пра яго ўспомнілі толькі цяпер, ніхто дакладна не тлумачыць.
Згарэла адна з культавых «сініх цэркваў» Берасцейшчыны
Памятаеце зарослую магілу акадэміка Карскага? Моладзь з Беларусі аплаціла яе ўпарадкаванне
На Брэстчыне зноў шукаюць магчымасці пазбавіць прыгажэнны помнік ахоўнага статусу. Загад паступіў зверху
На плошчы Якуба Коласа ў Мінску прыбралі знакамітую тратуарную плітку з васількамі
«Запускайце далей салюты, а я выклічу міліцыю». Беларусы спрачаюцца пра забарону на феерверкі2
Каментары