Ва Украіне пад уплывам пратэстаў вяртаюць незалежнасць антыкарупцыйным органам
Пасля масавых пратэстаў ва Украіне прэзідэнт Уладзімір Зяленскі вырашыў вярнуць незалежнасць антыкарупцыйным органам. 24 ліпеня ён унёс у Вярхоўную Раду новы законапраект, які адмяняе ранейшы, што выклікаў крытыку як унутры краіны, так і з боку Еўрасаюза.
У Нацыянальным антыкарупцыйным бюро Украіны (НАБУ) сцвярджаюць, што новы дакумент аднаўляе поўную працэсуальную незалежнасць як для НАБУ, так і для Спецыялізаванай антыкарупцыйнай пракуратуры (САП). Абедзве структуры ўдзельнічалі ў распрацоўцы законапраекта.
У ім сярод іншага прапісана, што супрацоўнікі з доступам да дзяржаўных сакрэтаў павінны праходзіць праверку на паліграфе — але праводзіць яе будзе не СБУ, а ўнутраны кантроль НАБУ.
Папярэдні закон, падпісаны Зяленскім 22 ліпеня, фактычна абмяжоўваў незалежнасць гэтых антыкарупцыйных органаў. Гэта выклікала рэзкую рэакцыю як з боку грамадзян, так і з боку еўрапейскіх палітыкаў. Старшыня Еўракамісіі і прадстаўнікі Германіі і ЕС выказалі сур’ёзную заклапочанасць, бо антыкарупцыйная незалежнасць — адзін з ключавых крытэрыяў для еўраінтэграцыі Украіны.
23 ліпеня ў розных гарадах Украіны, у тым ліку Кіеве, адбыліся шматтысячныя акцыі пратэсту. Увечары таго ж дня Зяленскі паабяцаў унесці новы законапраект, а ўжо 24 ліпеня яго зарэгістравалі ў парламенце — дакумент падтрымалі 48 дэпутатаў з розных фракцый.
Зяленскі патлумачыў, што першапачаткова не правёў грамадскае абмеркаванне з-за сваёй засяроджанасці на вайне, якая, па яго словах, застаецца галоўнай праблемай краіны.
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары
А што зрабіць, каб прыбралі паліграфы з законаў і сістэмы? Дзе знайсці краіну з людзьмі без мякішу ў галовах.
Трапіўся ўчора на вочы ягоны каментар аб ненармальнай сітуацыі, калі над НАБУ адсутнічае надзорны орган. Гэта карэннае скажэнне прынцыпа падзелу ўладаў, - не задавальняе пастанова пракурора, то ідзі ў такі ж незалежны (паводле ідэі і Канстытуцыі) суд. Хаця не. Лепей пайсці на адзіны марафон ці ў замежныя СМІ з аповедам аб правільнасці лініі офіса. Забаўна назіраць за гэтымі хістаннямі. Рэспект украінскім пратэстоўцам. І штосьці падказвае, без размовы з Заходнімі донарамі не абышлося.