Музыка11

Фестываль «Камяніца» абвясціў поўную праграму: Вольскі, Вайцюшкевіч, «Стары Ольса»

1 верасня на юбілейным фестывалі «Камяніца з Банкам БелВЭБ» будзе тры музычныя сцэны, шмат майстар-класаў і людзей у народных строях. У дзень мерапрыемства да 13.00 квіткі будуць прадавацца па папярэдніх коштах.

«У 2009 годзе, калі пачынаўся фестываль, мы разлічвалі на два-тры гады, але «Камяніца» дагэтуль жыве і з’яўляецца адной з галоўных пляцовак для тых, каго цікавіць культура Беларусі і суседніх краін. Мы запрашаем усіх на вялікае свята музыкі, творчасці і жывых традыцый», — кажа вядоўца фестывалю Алег Хаменка.

Агульны расклад

У 11.00 пачынаюць працаваць фестывальная пляцоўка, пункты харчавання. Адкрываецца забаўляльная праграма.

У 12.00 стартуе інтэрактыўная сцэна «Традыцыя», дзе можна будзе заспяваць і патанчыць разам з выканаўцамі.

У 14.30 — галоўная сцэна, дзе выступіць зорны склад беларускіх і замежных музыкаў.

У 15.30 распачне працу сцэна ў царкве, дзе адбудзецца выступ вакальнага гурта «Мярэжа» і ўнікальны канцэрт майстроў колавай ліры — сёння рэдкага, але гістарычна аднаго з найбольш папулярных інструментаў на тэрыторыі сучаснай Беларусі на працягу некалькіх стагоддзяў.

Галоўная сцэна

14.30 — 15.10 — гурт «Стары Ольса»

15.30 — 16.10 — Зміцер Вайцюшкевіч & WZ-Orkiestra

16.40 — 17.20 — Joryj Kloc (Украіна)

17.50 — 18.30 — этна-трыа «Троіца»

19.00 — 19.40 — гурт «Тесто» (Расія)

20.00 — 20.30 — Лявон Вольскі & Павел Аракелян

21.00 — 21.40 — гурт Trollwald

Інтэрактыўная сцэна

12:00 — 13:00 — фолк-гурт «Чарот», «Любанскія музыкі», Патрыцыя Свіціна, этна-студыя Кetri, фолк-гурт «Гаманіна», праект «Спеўны сход»

13.00 — 13.50 — капэла «Коліснія», мужчынскі гурт «Кудмень»

13.50 — 14.20 / 15.10 — 15.25 — Палескія спевы: дуэт Еўдакіі Зіновіч і Фёдара Булыгі (Драгічынскі раён), гурт «Таняжанка» (Лельчыцкі раён)

16.10 — 16.35 / 17.20 — 17.45 — «Любанскія музыкі» і традыцыйныя танцы ад Сяргея Выскваркі

18.30 — 18.55 — Дударскі клуб

19.40 — 19.55 — Фолк-джэм

Сцэна ў царкве

15.30 — 16.00 — гурт «Мярэжа»

16.00 — 17.30 — канцэрт «Лірніцкі пагост»: Алесь Лось, Дзяніс Сухі, Алесь Чумакоў, Сяргей Чубрык, Каця Радзівілава, Васіль Грынь, Алесь Жукоўскі

Забавы і майстар-класы

З 11.00 на фестывалі гледачоў чакае вялікая зона забаў ад прасторы Quvalda: настольныя і электронныя гульні, манетны атракцыён, віртуальная рэальнасць, атракцыён з металашукачом. А таксама катанне на конях, лучны і арбалетны цір, «Бульбамёт», «Яшчарка» (беларускі «Кракадзіл»), футбольная зона ад ФК «Тарпеда Мінск» ды іншыя забавы. Побач з фестывальнай пляцоўкай будзе вялікі кірмаш народных майстроў. А каля сцэн — выстава Ганны Сілівончык і Васіля Пешкуна.

З 12.00 да 15.00 побач з інтэрактыўнай сцэнай будуць адбывацца майстар-класы па традыцыйных рамёствах: пляценні пасталоў і прадзенні на кудзелі, выцінанцы і вырабе лялек-абярэгаў, выкарыстанні зёлкаў і прыгатаванні духмяных гарбатак.

Дзецям

Дзіцячая пляцоўка пачне сваю працу ў 11.00. Цэнтр «Крочым разам» прапануе гульні, творчыя майстэрні і зону для адпачынку, а таксама кірмаш дзіцячых вырабаў, дзе кожнае дзіця зможа размясціць і прадаць свае вырабы, зробленыя на фэсце. Акрамя гэтага будзе зона беларускіх настольных гульняў.

У 13.00 маленькіх гледачоў чакае дзіцячы спектакль з элементамі батлейкі і інтэрактыву ад вандроўнага тэатрыка «Варгін». У 14.00 і 15.00 — дзіцячыя гульні, казкі і забавы ад Ларысы Рыжковай і гурта «Калыханка».

Немагчыма ўявіць сабе «Камяніцу» без снапоў сена, у якіх любяць бавіць час усе гледачы фестывалю. Дарэчы, кожны маленькі глядач на ўваходзе атрымае адмысловы папяровы бранзалет, на якім будзе напісаны тэлефон бацькоў.

Транспарт

Фестываль адбудзецца ў Музеі народнай архітэктуры і побыту ў вёсцы Азярцо — 4 кіламетры ад МКАД за аўтарынак «Малінаўка». Даехаць можна на асабістым аўто, ровары і аўтобусах.

Бясплатны фестывальны аўтобус будзе курсіраваць ад метро «Малінаўка» да музея і назад з 11.45 (першы ад «Малінаўкі») да 22.30 (апошні з музея). Акрамя таго «Мінсктранс» ладзіць дадатковыя рэйсы платных аўтобусаў №203Э праз прыпынак «Малінаўка». Расклад на сайце etna.by.

Квіткі

Квіткі на «Камяніцу» ў папярэднім продажы і ў першую гадзіну фестывалю каштуюць: 15 рублёў (дарослыя), 10,5 рубля (школьнікі і студэнты).

Пасля 13.00 1 верасня кошты складуць: 20 рублёў (дарослы) і 15 рублёў (школьнікі і студэнты). Продаж на сайце і ў касах Kvitki.by.

Інфалінія: (033) 661-14-32, (017) 209-41-63.

Гледачам у поўных версіях нацыянальных строяў (ад галаўных убораў да пасуючага абутку) — уваход бясплатны.

Генеральны партнёр фестывалю — ААТ «Банк БелВЭБ».

Каментары1

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Стала вядома пра арышт папулярнай мастачкі Аксаны Шаляпінай

Стала вядома пра арышт папулярнай мастачкі Аксаны Шаляпінай

Усе навіны →
Усе навіны

Мядзведзеў прыгразіў ЗША вайной пасля таго, як Трамп скараціў тэрмін ультыматуму Пуціну7

Гомельскія міліцыянеры выпадкова дадалі «экстрэміста» ў свой унутраны чат — што ён там убачыў5

Чаму здараюцца трагедыі з былымі беларускімі ваярамі ў мірным жыцці? Пра самагубства добраахвотніка ў Гданьску і не толькі8

Ратавальнікі цэлы вечар шукалі рыбака-тапельца ў Мядзельскім раёне. На наступны дзень ён вярнуўся па лодку

У элітным квартале ў цэнтры Мінска прапанавалі яшчэ партыю кватэр. Цана квадрата ўражвае5

Паспяховы шэф-кухар з Індыі адкрыў рэстаран на Камароўцы1

Мінабароны прызнала падзенне беспілотніка на Мінск9

Мінская дызайнерка: Размаўляць па-беларуску, не спытаўшы суразмоўцу, ці зручна яму, — свінства88

У Амурскай вобласці Расіі дзяўчына выпадкова выкінула $75 тысяч. Увішныя суседзі знайшлі на сметніку: частку прапілі, на рэшту купілі дом1

больш чытаных навін
больш лайканых навін

Стала вядома пра арышт папулярнай мастачкі Аксаны Шаляпінай

Стала вядома пра арышт папулярнай мастачкі Аксаны Шаляпінай

Галоўнае
Усе навіны →

Заўвага:

 

 

 

 

Закрыць Паведаміць