Містыка, фантастычная прырода і беларуская мова: чаму трэба адправіць вашага школьніка на прыгодніцкую праграму «Дзікае паляванне»
Да восеньскіх вакацый яшчэ застаецца колькі часу, і можна паспець запісаць вашых школьнікаў на праграму «Дзікае паляванне» па матывах містычных твораў Уладзіміра Караткевіча.
На цэлы тыдзень дзеці акунуцца ў гісторыю Беларусі з яе шляхецкімі традыцыямі, народнымі вераваннямі і вясковым жыццём — у праграме ўсяго патроху. Асабліва прыемна, што ўся камунікацыя адбываецца на беларускай мове.
Што гэта такое?
«Дзікае паляванне» — адна са шматлікіх праграм для дзяцей прыгодніцкага лагера «Легенда», створанага агенцтвам цікавых святаў «Тэрыторыя гульні». Гэта асобны сусвет са сваімі законамі і персанажамі, таямнічай атмасферай і ўсімі атрыбутамі містычнага наратыву.
Цэлы тыдзень дзеці будуць жыць у прыгожай сядзібе на поўначы Беларусі, дыхаць свежым паветрам, знаёміцца з гісторыяй і культурай нашай краіны, браць удзел у сапраўдных чароўных абрадах, напаўняцца энергіяй сумеснага баўлення часу і атрымліваць каштоўны досвед узаемадзеяння адно з адным.
Для каго?
Школьнікі 10—15 гадоў. У групе — максімум дзесяць чалавек.
Калі?
Падчас восеньскіх вакацый, з 28 кастрычніка па 3 лістапада.
Дзе?
Сядзіба «Запаведны востраў» у вёсцы Шо Глыбоцкага раёна Віцебскай вобласці. Месца так называецца нездарма: драўляныя дамы, акружаныя векавымі хвоямі, размешчаны на сапраўдным востраве паміж двума азёрамі — Івесь і Шо. Дабрацца да сядзібы з «вялікай зямлі» можна па мастку або на лодцы.
Каму тэлефанаваць?
Агенцтву цікавых святаў «Тэрыторыя гульні»: + 375 29 318 24 37.
Агенцтва «Тэрыторыя гульні» ўжо колькі год займаецца арганізацыяй забаўляльных тэматычных лагераў для дзяцей. Іх адметныя рысы — гэта пільная распрацоўка праграм, бездакорны сцэнар, прафесійныя акцёры, касцюмы, якія «б’юць» на сто працэнтаў, і поўная адпаведнасць абранай тэме. У кожнай праграме дзеці — не назіральнікі за падзеямі, а іх ўдзельнікі і нават стваральнікі, якія па-сапраўднаму пражываюць кожны момант казачнай рэальнасці.
У гэтыя восеньскія вакацыі прыгодніцкі лагер прысвечаны містычнаму свету Уладзіміра Караткевіча і пройдзе пад знакам старажытных легендаў і традыцый. Гэта ўжо не першы сезон «Дзікага палявання», і па досведзе папярэдніх праграм можна з упэўненасцю адзначыць: калі вы хочаце, каб вашыя дзеці глыбей пазналі і палюбілі сваю краіну, цікавіліся яе гісторыяй і культурай, то вам сюды.
Умоўна ўся праграма падзяляецца на некалькі частак. Актыўнасці гарманічна ўвязаныя адзінай канвой, хоць кожная прысвечана асобнаму пласту гісторыі і культуры. Мова лагера — беларуская.
На «Дзікім паляванні» школьнікі пазнаёмяцца з беларускай народнай культурай: старадаўнімі песнямі, танцамі, гульнямі, карагодамі і прыпавесцямі.
Вішанькай на торце ў гэтай частцы праграмы стануць казкі ад бабулі. Уявіце сабе: за акном — непраглядная цемра познявосеньскага вечара, волкасць у паветры, палае лісце, сцелюцца густыя туманы. А ў цёплай драўлянай хаце па сценах жвава бегаюць цені ад агеньчыкаў свечак, пакуль бабуля расказвае сцішанай дзятве чароўныя гісторыі.
Яшчэ адзін блок прысвечаны традыцыям беларускай шляхты, у тым ліку і куртуазным манерам, якія практыкаваліся ў высакародным саслоўі. Падлеткавы ўзрост — самы час навучыцца паводзіць сябе ветліва і паважліва. Наогул у грамадстве, а таксама ў адносінах да процілеглага полу. Сапраўдны шляхціц Юры дасць дзецям урокі паводзін. А яшчэ раскажа шмат цікавага пра побыт і звычаі беларускай шляхты. Бо, раскрыем невялікі сакрэт, наш Юры — не толькі вяльможны пан, але і самы сапраўдны гісторык.
Туманнае надвор’е позняй восені і чорныя сілуэты дрэў з амаль цалкам абляцелым лісцем дадаюць флёру таямнічасці да ўсяго, што адбываецца, так і чакаеш чарадзейства побач.
Ключавым момантам гэтай часткі ў мінулым сезоне было з’яўленне Дзікага палявання і зняцце чараў з Ваўкалака. Адкуль ён тут з’явіўся? Гэта таямнічая гісторыя кахання, здрадзы і літасці. Даўным-даўно жылі-былі два браты, адзін з якіх праз здраду ператварыўся ў пачвару, і вось ужо некалькі стагоддзяў ён пакутуе ў звярыным абліччы. Удзельнікі праграмы выратавалі небараку, для гэтага ім прыйшлося тварам да твару сутыкнуцца з сапраўднай магіяй і правесці рытуал зняцця чар. А што будзе далей? Што чароўнага адбудзецца на гэтых вакацыях? Школьнікаў чакаюць цікавосткі!
Пасля спраў міфічных і містычных школьнікі змогуць далучыцца да дзейнасці практычнага кшталту. Нішто так не ўмацоўвае дух, як фізічная праца. У «Дзікім паляванні» прадугледжана і гэта. Недалёка ад сядзібы ёсць фермерская гаспадарка, дзе заўсёды рады рабочым рукам. Пілаваць дровы ці карміць жыўнасць? Калі ласка, закасвайце рукавы і наперад! Пасля працы на свежым паветры маладзецкі апетыт гарантаваны.
«Разыначкай» праграмы стане вандроўка ў Полацак, па гістарычных мясцінах якога правядзе вопытны гісторык.
Замест рэзюмэ. Навошта ехаць на «Дзікае паляванне»?
- Правесці тыдзень на свежым паветры сярод найпрыгажэйшай прыроды
- Размаўляць на беларускай мове
- Даведацца шмат цікавага пра гісторыю і культуры сваёй краіны
- Дакрануцца на казкі
- Паесці смачнай хатняй ежы
- Пажыць у маляўнічай вясковай хаце
- Забыцца пра гаджэты і правесці час з аднагодкамі
- Навучыцца добрым манерам
- Стаць больш самастойным
Па ўсіх пытаннях звяртайцеся, калі ласка, па тэлефоне + 375 29 318 24 37 ці на сайт.
Памятаеце палітвязня Вітухноўскага, які пайшоў ваяваць за Расію? Ён ужо загінуў9
Каментары