Дата наступнай сустрэчы Уладзіміра Пуціна і Аляксандра Лукашэнкі — для вырашэння спрэчных пытанняў расійска-беларускіх адносін пакуль не вызначана. Пра гэта заявіў журналістам прэс-сакратар прэзідэнта Расіі Дзмітрый Пяскоў, піша ТАСС.
«Пакуль дакладнай даты няма», — сказаў ён. Раней з абодвух бакоў паведамлялася, што сустрэча адбудзецца да канца 2018 года.
Прадстаўнік Крамля нагадаў, што «беларускім бокам ставіцца шэраг пытанняў, дастаткова прадметных, ёсць пытанні, якія закранаюцца расійскім бокам». «Абмен меркаваннямі і праца на найвышэйшым узроўні прэзідэнтамі будуць працягнутыя, такое ёсць разуменне ў двух кіраўнікоў дзяржаў», - дадаў ён.
Прэс-сакратар кіраўніка расійскай дзяржавы падкрэсліў, што «цесныя саюзніцкія адносіны маюць на ўвазе наяўнасць вялікай колькасці аператыўных пытанняў, і непазбежна ўзнікаюць праблемныя сітуацыі».
«І каб не дапусціць нейкіх клубкоў супярэчнасцяў, два прэзідэнты дамовіліся правесці яшчэ адну сустрэчу», — дадаў Пяскоў.
Па словах прадстаўніка Крамля, кіраўнікі дзяржаў не ставілі жорсткіх тэрмінаў вырашэння супярэчнасцяў. «Тут няма ніякіх тэрмінаў», — адказаў Пяскоў, дадаўшы, што «тут галоўнае — знайсці такія рашэнні, якія задаволілі б і Мінск, і Маскву».
У прыватнасці, паводле яго слоў, пакуль не ўдалося вырашыць супярэчнасці Масквы і Мінска вакол падатковага манеўру ў нафтавай галіне.
Адказваючы на пытанне, чаму важна правесці новую сустрэчу Пуціна і Лукашэнкі да Новага года, Пяскоў заўважыў: «Некаторыя новыя эканамічныя нюансы з'яўляюцца пасля Новага года». «Напрыклад, беларускі бок лічыць, што неабходная кампенсацыя ў сувязі з падатковым манеўрам. Расійскі бок не ва ўсім згодны», — адзначыў ён.
Цяпер чытаюць
«Нейкая Ліза, якой 20 гадоў, судзіцца з Лукашэнкам» — вялікая гутарка з новай віцэ-спікеркай КР Лізаветай Пракопчык10
Каментары