Агульная лічба затрыманых за час пратэстаў перавысіла 30 тысяч чалавек
Жанчына паказвае знак «Пераможам». Мінск, спальны раён Серабранка. Фота Надзеі Бужан.
Дзясяткі тысяч людзей выйшлі на акцыі пратэсту ў сотнях лакацый Мінску. Прыкладна ў дзясятку кварталаў колькасць дэманстрантаў перавышала тысячу. Акцыі пратэсту адбыліся таксама ў абласных цэнтрах і некаторых гарадах.
Колькасць затрыманых вымяраецца сотнямі. А гэта азначае, што агульная лічба затрыманых за час пратэстаў сёння перасягнула парог 30 тысяч чалавек. (Па стане на вечар учорашняга дня іх было 29 940. Па стане на 21.15 нядзелі вядомыя імёны 308 затрыманых сёння, што разам складае 30 248 чалавек.)
У адрозненне ад мінулых выхадных, дэманстранты збіраліся не ў цэнтры сталіцы, а ў сваіх дварах і кварталах. Гэта новая тактыка.
Каментары