Свята для ўсіх аматараў ровараў адбудзецца 31 мая і, як і раней, абяцае сабраць вялікую колькасць удзельнікаў.
Як распавёў Tochka.by генеральны дырэктар велаклуба «Мінск» і адзін з арганізатараў фестывалю Аляксей Іваноў, фармат мерапрыемства застанецца прыкладна такім жа, як і раней: велапарад, конкурсы для дзяцей і дарослых, а таксама вялікі канцэрт.
Праект «Viva Ровар», які так палюбілі жыхары і госці беларускай сталіцы, быў вымушаны прыпыніцца з-за пандэміі каранавіруса і абмежаванняў на правядзенне масавых мерапрыемстваў.
Але веларух не знік. Ён, хоць і стыхійна, працягваў развівацца ўсе гэтыя гады. З ранняй вясны і да позняй восені роварныя дарожкі перапоўненыя. Лакальныя велападзеі праходзілі ў розных частках горада.
«Велаклуб «Мінск» займаецца не толькі развіццём прафесійнага спорту, але і масавага веларуху ў Беларусі. Як бы гэта пафасна ні гучала, але ў гэтым заключаецца наша сацыяльная місія», — падкрэслівае Аляксей Іваноў.
Ён нагадвае, што арганізатарамі велакарнавалу традыцыйна выступаюць: Мінгарвыканкам, Беларуская федэрацыя веласпорту, велаклуб «Мінск».
«Мы даўно ўжо хацелі адрадзіць традыцыю святочных мерапрыемстваў для тых, хто любіць катацца на ровары. Бо гэта заўсёды атрымлівалася пазітыўна, яскрава, маляўніча, весела — і з добрым паслясмакам», — адзначае Іваноў.
Лукашэнка нервова пракаментаваў візіт Ціханоўскай у Кіеў45
Каментары