У Польшчы выйшаў каляндар з дзяўчатамі топлес і катамі — выручаныя сродкі пойдуць сем'ям беларускіх палітвязняў
2 кастрычніка ў Польшчы стартуе продаж календароў, у якім польскія актывісткі і мастачкі зняліся топлес з катамі ў падтрымку Беларусі. #dekoltdlabialorusi — так завецца каляндар, усе выручаныя сродкі пойдуць на падтрымку сем'яў беларускіх палітвязняў.
Выданне сімвалічна пачынаецца не як звычайна са студзеня, а са жніўня — месяца, калі пасля прэзідэнцкіх выбараў летась ва ўсю магутнасць запрацавала рэпрэсіўная машына ў Беларусі.
— Беларускі і беларусы, якія змагаюцца за свабоду з рэжымам Лукашэнкі, маюць патрэбу не толькі ў гучных словах, але і ў рэальнай падтрымцы і грошах, якія дапамогуць ім выжыць. Мы вельмі разлічваем на шчодрасць нашых чытачоў. Тым больш, што прыгожы, бодзіпазітыўны каляндар, плод сумеснай працы актывістаў і мастакоў, каштуе любых грошай, — кажа Аляксандра Кліх, журналістка, галоўная рэдактарка Wysokich Obcasów, якая і стала адной з ініцыятарак праекта.
У фотасесіі ўзяла ўдзел беларуская мастачка Яна Шостак.
Паміж фотаздымкамі ў календары надрукаваны спіс з 647 імёнаў палітвязняў у Беларусі (столькі іх было на момант стварэння, а цяпер іх значна больш — 715), а таксама інфармацыя аб тым, за што і на які тэрмін яны былі асуджаныя.
Каляндар будзе каштаваць 35 злотых — гэта прыкладна 22 рублі.
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1313
Каментары