З актывістам «Маладога фронту» Эдуардам Лобавым сустрэлася ў Івацэвіцкай калоніі ягоная маці Марына Лобава. 17 кастрычніка Марына Лобава вярнулася са спаткання і паведаміла:

«Спатканне было доўгатэрміновым, такім чынам, быў час пагаварыць.

Сын расказаў, што вязні калоніі ўхваляюць ягоную адмову пісаць прашэнне аб памілаваньні.
«Калі не вінаваты, то ў чым каяцца?» — кажуць яны. Канечне, ёсць і такія, якія здзіўляюцца. Бо яму дастаткова напісаць прашэнне з прызнаннем віны — і выйсці на волю. Некаторыя ў такой сітуацыі не сумняваліся б, што рабіць. Але тут справа прынцыпу, і сын не здаецца.
Сказаў гэтак: «Не цешу сябе ілюзіямі, што хутка адпусцяць — каб не было цяжэй. Калі трэ будзе, адсяджу і да канца тэрміну».

Эдуард Лобаў асуджаны на 4 гады зняволення паводле абвінавачання ў хуліганстве, якое, паводле суду, учыніў разам з лідарам «Маладога фронту» Змітром Дашкевічам 18 снежня 2010 года. Актывісты сваёй віны не прызналі і заявілі пра правакацыю спецслужбаў, звязаную з выбарамі. У івацэвіцкай калоніі «Ваўчыныя норы», дзе адбывае пакаранне Эдуард Лобаў, яму ўжо некалькі разоў прапаноўвалі напісаць прашэнне аб памілаванні на імя Аляксандра Лукашэнкі, але актывіст адмаўляўся.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзеру