«Narod, što zavajavaŭ śviet, ciapier patrabuje adnaho: chleba i vidoviščaŭ», — skazaŭ pra svaich surodzičaŭ Juvenał.
Miensk na dziaržaŭnyja śviaty bolš nahadvaje poźni Rym, čym Saviecki Sajuz. U savieckija časy takich orhij nie było. Tady caniŭsia «paradak». Ciapier — «vielič», u sensie — «razmach».
START VYBARČAJ KAMPANII ŁUKAŠENKI. Pop-kancertam Łukašenka faktyčna raspačaŭ svaju vybarčuju kampaniju. Usio było vydatna zrežysavana. Dobra razahrety natoŭp sustreŭ svajho lidera skandavańniem «Bie-ła-ruś!». Admietna, što nie «Łukašenka», nie «SSSR». Łukašenka pramaŭlaŭ, urezvajučy ŭ śviadomaść prostyja j biassprečnyja słovy. Pra mocnuju, pryhožuju Biełaruś, pra haračyja maładyja sercy j śvietłuju budučyniu. Taki ton zadadzieny: nacyjanalistyčnaja rytoryka, baraćba za hałasy moładzi. Tryjumfatar u śvietła-błakitnym harnitury — u takich našyja spartoŭcy kročyli na adkryćci Alimpijady — tancavaŭ pad papsu. Reakcyja na šoŭ na internet-forumach pieravažna rezka admoŭnaja. Nia ŭsie jašče, značyć, praniklisia dasiahnieńniami pieradavoje muzyki.
ŽYVIE BIEŁARUŚ. Hulanka 3 lipienia prachodzić amal adnačasova ź inšym narodnym festam — u Budsłavie — i mocna kantrastuje ź im. Tam mała pjanych i zvyškanservatyŭnaja tradycyja. Tam źbirajecca ŭ dziesiać razoŭ mienš narodu. Ale tam prysutnyja duch i ideja. Čaho nia majuć «kulturnyja kanfarmisty», jak nazyvaje ich filozaf Valer Bułhakaŭ.
3 lipienia reanimavała ŭ mianie adno staroje i mo nie zusim karektnaje adčuvańnie: usio ž naša biełaruskaja kultura vyšejšaja za hetuju savieckuju. Naša estetyka bolš vytančanaja, praviły pavodzinaŭ bolš składanyja, etyka bolš aščadnaja da čałavieka i jaho nabytkaŭ. Takoje piakučaje pačućcio eŭrapiejca — i jano abaviazvaje mocna. Tak, cham dyktuje modu. «Usio schvačana», i chleba dosyć. I pop-kancerty źbirajuć sotni tysiač. Ale… naša cyvilizacyja vyšejšaja. Tamu jany nas nie asymilujuć. My ich asymilujem.
«Niama ŭ nas inšych biełarusaŭ». Lidar «Drazdoŭ» zaklikaŭ daravać tym, chto «nie tam łajk pastaviŭ»47
«Niama ŭ nas inšych biełarusaŭ». Lidar «Drazdoŭ» zaklikaŭ daravać tym, chto «nie tam łajk pastaviŭ»
Zamiest pareštkaŭ Vitaŭta za ścianoj Vilenskaj katedry znajšli tolki kuču kamianioŭ. Ale ŭłady Litvy hatovyja vydatkavać na praciah pošukaŭ jašče 1,5 miljona jeŭra2626
Kamientary