Na heta źviarnuła ŭvahu staršy inśpiektar pa asablivych daručeńniach UDAI MUS Biełarusi Hanna Banadyk.
U niespryjalnych umovach nadvorja DAI raić vybirać biaśpiečnuju chutkaść ruchu z ulikam stanu prajeznaj častki i kankretnaj situacyi na darozie.Lepš paźbiahać rezkich tarmažeńniaŭ, asabliva na zakruhleńniach daroh, pavialičyć dystancyju i bakavy intervał ruchu, admovicca ad abhonaŭ, być vielmi ŭvažlivymi pry prajeździe skryžavańniaŭ i piešachodnych pierachodaŭ. «Źnižanyja pieradačy na ślizkaj darozie lepšyja za pavyšynyja. Pry hetym aŭtamabilem lahčej kiravać na spuskach, padjomach i ŭ patoku mašyn. Jon bolš pasłuchmiany i dynamičny», — raskazała Hanna Banadyk.
Jana dadała, što navat na nievialikaj chutkaści hałalod nie daruje rezkaści ŭ ruchach ni pry pieraklučeńni pieradač, ni pry razhonie, ni pry manieŭravańni. Na ślizkaj darozie lepš uvohule nie karystacca tarmazami.Rezkaje, a časama i płaŭnaje tarmažeńnie pryvodzić da błakiroŭki kołaŭ i niepaźbiežnaha juzu ci zanosu. Tarmazić pry nieabchodnaści treba impulsna, adpuskajučy tormaz pry samym niaznačnym namioku na ślizhańnie. Mienavita hety pryncyp zakładzieny ŭ asnovu raboty antybłakirovačnaj sistemy tarmazoŭ. Asabliva niebiaśpiečny hałalod na mastach, estakadach, vysokich nasypach, a taksama na padjezdach da prypynkaŭ hramadskaha transpartu, skryžavańniach i pierachodach. Lod tut utvarajecca niaredka navat tady, kali jaho niama na astatnich učastkach darohi. Tarmazić na takich učastkach vielmi niebiaśpiečna, tamu treba zahadzia źnizić chutkaść.
«I ŭsio ž samaje hałoŭnaje na darozie pry lubym nadvorji — pavyšanaja ŭvaha i ŭzajemapavaha da ŭsich udzielnikaŭ darožnaha ruchu. Zaŭsiody lepš prapuścić aŭtamabil, — skazała Hanna Banadyk.
Što viadoma pra siamju z Baranavičaŭ, u jakoj i mužu, i žoncy dali vielizarnyja terminy za «zdradu dziaržavie»11
Kamientary