Z-za śniehapadu ŭ Biełarusi — składanyja darožnyja ŭmovy, papiarždžvaje ŭpraŭleńnie DAI MUS.
Dziaržaŭtainśpiekcyja zaklikaje vadzicielaŭ być uvažlivymi i aściarožnymi za rulom. Padčas mocnych apadkaŭ nieabchodna ruchacca z uklučanym blizkim śviatłom far, vybirać biaśpiečnuju chutkaść i dystancyju, z asablivaj aściarožnaściu ruchacca pa mastach, estakadach i la piešachodnych pierachodaŭ, admovicca ad rezkich tarmažeńniaŭ i manieŭraŭ, jakija pry drennym nadvorji mohuć pryvieści da stvareńnia avaryjnych situacyj.
DAI prosić kiroŭcaŭ vykonvać praviły parkoŭki i nie pakidać aŭtamabili na krai prajeznaj častki, kab nie pieraškadžać narmalnamu ruchu transpartu i nie pieraškadžać pracy śniehaŭboračnaj techniki.
«Uličvajcie, što pačyščanaja i apracavanaja supraćhałalodnym srodkam daroha nie robicca adrazu biaśpiečnaj, patrebny čas i peŭnaja intensiŭnaść ruchu transpartnych srodkaŭ, kab sumieś pačała „pracavać“ i vykonvać svaje funkcyi. Vybirajcie biaśpiečnuju chutkaść!» — havorycca ŭ paviedamleńni respublikanskaj Dziaržaŭtainśpiekcyi.
DAI zaklikaje kiroŭcaŭ prajaŭlać asablivuju ŭvahu pry źjaŭleńni na prajeznaj častcy piešachodaŭ.Ciopłaje vierchniaje adzieńnie robić ich niepavarotlivymi, šaliki i kapiušony abmiažoŭvajuć ahlad, drennaja bačnaść i ślizkaja daroha pieraškadžajuć idučym chutka adreahavać na ŭźnikłuju niebiaśpieku.
«Adnak i piešym hramadzianam varta być bolš uvažlivymi. Pierachodźcie darohu tolki va ŭstanoŭlenych miescach.Navat na rehulavanych piešachodnych pierachodach nie pačynajcie pierachod, pakul usie aŭtamabili nie spyniacca. U ciomny čas sutak abaznačajcie siabie śviatłoadbiŭnymi elemientami. Viełasipiedystam i vadzicielam mapiedaŭ nahadvajem, što zhodna z PDR padčas śniehapadu i hałalodzicy ruchacca na dvuchkołavym transparcie zabaroniena!» — nahadvaje DAI.
Z metaj zabieśpiačeńnia biaśpiečnych umoŭ ruchu ŭ vychadnyja dni Dziaržaŭtainśpiekcyja budzie pracavać va ŭzmocnienym režymie.
Minsk siońnia viečaram pahruziŭsia ŭ ciemru. Paśla zahadu Łukašenki51
Minsk siońnia viečaram pahruziŭsia ŭ ciemru. Paśla zahadu Łukašenki
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary