Urad Biełarusi pryniaŭ rašeńnie žorstka kantralavać rost cen, i ŭ pieršuju čarhu rehulavanych. Nacbank taksama padklučajecca da hetaha pracesu.Pra heta paviedamiła staršynia praŭleńnia Nacyjanalnaha banka Nadzieja Jermakova padčas pramoj linii z čytačami haziety «Sovietskaja Biełoruśsija».
«My paprasili ŭklučyć nas u kamisiju pa rehulavańni cen, kab manietarnym šlacham padličyć, jak heta paŭpłyvaje na inflacyju, i vykazać svajo mierkavańnie. U studzieni krychu byŭ stračany kantrol, i ceny, navat rehulavanyja, skakali anarchična. I hałoŭnaje, pastaŭlena takaja zadača: pry razhladzie pytańnia ab pavieličeńni cany na toj ci inšy tavar, asabliva pieršaj nieabchodnaści, pradpryjemstva pavinna pradstavić svaje prapanovy ab źnižeńni vydatkaŭ», — skazała kiraŭnik Nacbanka.
U Biełarusi ŭ 2013 hodzie prahnoz pa inflacyi ŭstanoŭleny na ŭzroŭni 12%. Pry hetym u studzieni 2013 hoda inflacyja skłała 3%, u lutym — 1,2%.
Pa vynikach 2012 hoda jana skłała 21,8%.
Kamientary