Śledčyja Połackaha mižrajonnaha adździeła Śledčaha kamiteta ŭstanavili fakt niezakonnaha palavańnia. Adzin ź jaho ŭdzielnikaŭ zatrymany, a druhi zdoleŭ uciačy, ale jaho asoba ŭžo ŭstanoŭlenaja.
Incydent adbyŭsia ŭ noč na 5 červienia. Supracoŭniki DAI spynili pazadarožnik UAZ Patriot, za rulom jakoha znachodziŭsia 54‑hadovy mužčyna. U sałonie taksama byŭ pasažyr.
Padčas pravierki siłaviki paprasili adkryć bahažnik aŭtamabila, adnak kiroŭca admoviŭsia heta zrabić i pasprabavaŭ uciačy. Nieŭzabavie mašynu znoŭ spynili, a kiroŭcu zatrymali. Pasažyr, adnak, paśpieŭ źniknuć ź miesca zdareńnia.
Padčas ahladu aŭtamabila śledčyja vyjavili tkaninu sa śladami kryvi. Paźniej u lesie byli znojdzienyja častka tuški i skura dzika, a taksama pistalet.
Pry ahladzie miescaŭ žycharstva palaŭničych supracoŭniki SK kanfiskavali palaŭničyja strelby i nož, pry dapamozie jakoha, pavodle śledstva, mužčyny raźbirali niezakonna zdabytuju žyviołu.
Usie znojdzienyja pradmiety, u tym liku aŭtamabil, pryznanyja rečavymi dokazami. Pryznačany nieabchodnyja ekśpiertyzy.
Pavodle papiarednich acenak, škoda, naniesienaja navakolnamu asiarodździu, skłała 5,4 tysiačy rubloŭ.
Pa fakcie niezakonnaha palavańnia, jakoje pryviało da značnaj škody, uzbudžana kryminalnaja sprava. Zatrymany kiroŭca dapytany, jon całkam kampiensavaŭ naniesienuju škodu. Ź jaho ŭziata abaviazacielstva ab jaŭcy.
Ciapier čytajuć
Vučebka ŭ Pskovie, abiacańnie anulavać kredyty i sudzimaści, ale ni słova pra samaje važnaje. Jak biełarusaŭ viarbujuć na vajnu8
Vučebka ŭ Pskovie, abiacańnie anulavać kredyty i sudzimaści, ale ni słova pra samaje važnaje. Jak biełarusaŭ viarbujuć na vajnu
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami9191
Kamientary