Za vychadnyja dni na darohach Biełarusi zarehistravana bolš jak 1.250 DTZ
Za minułyja vychadnyja dni na darohach krainy zarehistravana 1.256 DTZ z materyjalnym uronam.U 23 DTZ 10 čałaviek zahinuli, 24 atrymali ranieńni. Za kiravańnie transpartnym srodkam u stanie ałkaholnaha apjanieńnia zatrymany 241 kiroŭca, paviedamili va ŭpraŭleńni DAI MUS Biełarusi.
U vychadnyja dni 8–10 sakavika ahulnaja kolkaść DTZ nie pieravysiła 600. U 17 ulikovych DTZ zahinuli šeść i byli paranieny 15 čałaviek.
Jak adznačaje UDAI MUS, va ŭmovach cykłonu praca Dziaržaŭtainśpiekcyi viałasia va ŭzmocnienym režymie. Supracoŭniki DAI sadziejničali ŭ pieraadoleńni i baraćbie sa stychijaj usim udzielnikam darožnaha ruchu kruhłyja sutki, u patrulnych aŭtamabilach adahravali hramadzian da prychodu dapamohi, paili haračaj harbataj, dapamahali ŭ dastaŭcy paradzich, a taksama paciarpiełych u miedycynskija ŭstanovy, rehuliroŭščyki arhanizoŭvali ruch transpartu ŭ volnych ad zatoraŭ napramkach, časta ŭ sustrečnych.
DAI zaklikaje ŭsich uładalnikaŭ transpartnych srodkaŭ pa mahčymaści prybrać svaje aŭtamabili z prajeznaj častki dla bolš chutkaha i jakasnaha prybirańnia daroh.
Pakul trasy nie adpaviadajuć usim normam, adznačajuć u Dziaržaŭtainśpiekcyi. Tamu ruch pavinien
«Budźcie asabliva ŭvažlivyja pry prajeździe piešachodnych pierachodaŭ, blizu prypynkaŭ hramadskaha transpartu, u miescach naniesienaj raźmietki, na estakadach i puciepravodach. Nie budzie lišnim pavyšanaja kancentracyja ŭvahi pry prajeździe blizu navučalnych ustanoŭ: škoł, himnazij, dziciačych sadkoŭ, blizu miescaŭ, dzie na prajeznuju častku mohuć vykacicca dziciačyja sanki z najbližejšych śniežnych horak», — havorycca ŭ paviedamleńni UDAI MUS.
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary