Kiraŭnik «Biełhazprambanka»: «Imaviernaść paŭtareńnia kryzisu 50×50»
Viktar Babaryka zaścierahaje ŭłady ad štučnaha stymulavańnia ekanomiki.
Staršynia praŭleńnia «Biełhazprambanka» Viktar Babaryka aceńvaje imaviernaść paŭtareńnia kryzisu ŭ biełaruskaj ekanomicy jak 50×50.
«Ciapier ja aceńvaju šancy (na paŭtor kryzisu) jak 50×50. Kali b mnie hetaje pytańnie zadali ŭ studzieni, to ja b adkazaŭ: 70×30 na karyść razumnaha scenara», —skazaŭ Babaryka.
Pry hetym bankir padkreśliŭ, što dadzienaje jaho vykazvańnie — «heta ćviarozy analiz, nie panikiorstva».
Babaryka rastłumačyŭ, što jaho aściarohi narodžanyja rytorykaj biełaruskich uładaŭ ab nieabchodnaści stymulavańnia ekanomiki, u tym liku za košt źnižeńnia pracentnych stavak.
«U apošni čas razharnułasia dyskusija i ŭ presie, i pamiž rehulatarami, i na samym vysokim uzroŭni: ci nie čas nam stymulavać raźvićcio, u tym liku źnižajučy pracentnyja staŭki, ci nie čas nam znoŭ «adabrać i padzialić».
«Ja daju vielmi aściarožny prahnoz.
Kali pieramoža racyjanalnaje źviano (va ŭładnych strukturach), heta značyć miery pa stymulavańni buduć žorstka pryviazanyja da metaŭ efiektyŭnaści, to adnosnaja stabilnaść zachavajecca.Kali hetaja tendencyja (źmiakčeńnie makraekanamičnaj palityki) budzie ŭzmacniacca, kali znoŭ voźmuć vierch tendencyi 2010–2011 hoda z adnaŭleńniem pryncypu, što tannyja hrošy pavinny stać instrumientam raźvićcia, to ničoha dobraha ŭ hetym niama», — skazaŭ Babaryka.
Pry hetym jon acharaktaryzavaŭ biahučuju situacyju z punktu hledžańnia pierśpiektyŭ zachavańnia stabilnaści, jak «vielmi tryvožnuju».
«Samyja tryvožnyja słovy — „voś znoŭ budzie ščaście“, hetyja słovy znoŭ pačynajuć pieravažać», —rastłumačyŭ bankir. U toj ža čas jon padkreśliŭ, što «ŭ kankretnych rašeńniach pakul adchileńniaŭ, jakija naściarožvajuć, niama».
Ciapier čytajuć
Pamierła palitźniavolenaja Alena Pankova. Paŭhoda nazad jaje asudzili za ŭdzieł u pratestach7
Kamientary