Rekanstrukcyju mosta pačali 6 lipienia.
U bližejšy čas ruch haradskoha i śpiecyjalnaha transpartu pieranakirujuć na abnoŭleny ŭčastak mosta praź Śvisłač na praśpiekcie Niezaležnaści (u rajonie parku Horkaha). Heta dazvolić budaŭnikam apieratyŭna pačać ramont astatniaj častki zbudavańnia. Pra heta stała viadoma 4 žniŭnia padčas vyjaznoj narady pad kiraŭnictvam namieśnika staršyni Minharvykankama Aleha Korzuna, pišuć Minsk-naviny.
Rekanstrukcyju mosta pačali 6 lipienia. Pakolki jon maje historyka-kulturnuju kaštoŭnaść, jaho habaryty i źniešni vyhlad zastanucca bieź źmienaŭ. Nie źmienicca i kolkaść pałos ruchu.
— Śpiecyjalisty pracujuć u paskoranym tempie z apiaredžańniem hrafika. Dla hetaha pryniaty ŭsie nieabchodnyja miery, praviedzieny śpiecyjalnyja mierapryjemstvy, — rastłumačyŭ Aleh Korzun. — Na hetym tydni ŭčastak, dzie siońnia vykonvajucca raboty, budzie zaasfaltavany.
Paśla hetaha «pieraklučym» ruch haradskoha i śpiecyjalnaha (jaki vykarystoŭvajecca avaryjnymi słužbami) transpartu na ŭžo hatovuju pałovu. Z ulikam taho, što dźvie treci rabot užo vykanany, starajemsia apieratyŭna zaviaršyć ramont, kab u bližejšy čas adkryć most.
Zbudavańnie składajecca z troch aračnych pralotaŭ. Dva ź ich užo majuć vysokuju stupień hatoŭnaści. Paralelna idzie restaŭracyja hranitnych ścien i parenčaŭ — kanstrukcyi ačyščajuć ad starych słajoŭ farby i ramontnych składaŭ, pravodziać defiektovku.
Siarhiej Panioŭ padkreśliŭ, što na pieršaj pałovie mosta ŭsie techničnyja rašeńni ŭžo adpracavany. Śpiecyjalisty raźličvajuć, što astatniuju častku adramantujuć chutka, u štatnym režymie.
Kamientary