Na terytoryi kitajska-biełaruskaha industryjalnaha parka, jaki budujecca ŭ Smalavickim rajonie Minskaj vobłaści, budzie stvorany Charbinski subpark. Adpaviednaje pahadnieńnie padpisali 23 krasavika ŭ Charbinie (KNR) pradstaŭniki miascovaj administracyi i biełaruskaj delehacyi, jakaja znachodzicca tam ź vizitam.
Jak paviedamlaje pres-słužba Ministerstva ekanomiki Biełarusi, siońnia ŭ Charbinie prajšła prezientacyja kitajska-biełaruskaha industryjalnaha parka, na jakoj prysutničali pradstaŭniki dziełavych i ŭradavych kołaŭ Kitaja. Prezientacyja arhanizavanaja Minekanomiki i pasolstvam Biełarusi ŭ Kitai, a taksama Narodnym uradam Charbina, kitajskaj karparacyjaj SAMSIE i kampanijaj pa raźvićci industryjalnaha parka. Na mierapryjemstvie abmiarkoŭvalisia pytańni ekanamičnaha patencyjału i inviestycyjnaha klimatu Biełarusi, mahčymaści, harantyi i pieravahi inviestavańnia ŭ industryjalny park.
«Zamiežnych partnioraŭ cikavili detali pravavoha režymu industryjalnaha parka, hatoŭnaść infrastruktury dla stvareńnia ŭ im vytvorčaściaŭ, pierśpiektyvy funkcyjanavańnia Adzinaj ekanamičnaj prastory, rola Biełarusi ŭ hetym intehracyjnym utvareńni», — havorycca ŭ paviedamleńni Minekanomiki.
Anałahičnaje mierapryjemstva budzie praviedziena 25 krasavika ŭ Huančžou.
Ukaz ab biełaruska-kitajskim parku, jaki raźmieścicca na terytoryi bolš jak 8 tys. ha ŭ Smalavickim rajonie, byŭ padpisany ŭ červieni 2012 hoda. Mierkavany abjom pramych inviestycyj u hety prajekt składzie kala 2 młrd. dołaraŭ ZŠA, a, pa prahnozach pasolstva KNR, moža być pavialičany da 5,5 młrd.
U kancy leta 2012 hoda ŭsie arhpytańni pa stvareńni industryjalnaha parka byli vyrašanyja:padrychtavanaja nieabchodnaja narmatyŭna-pravavaja baza, stvorana administracyja parka, zarehistravanaja sumiesnaja biełaruska-kitajskaja kampanija pa jaho raźvićci.
Pytańni realizacyi prajekta byli abmierkavanyja 28 žniŭnia ŭ Minsku na sustrečy namieśnika premjer-ministra Biełarusi Anatola Tozika z kiraŭnictvam kitajskaj karparacyi inžynirynhu CAMCE i pradstaŭnikami jaje hałoŭnaj kampanii — Kitajskaj nacyjanalnaj mašynabudaŭničaj karparacyi SINOMACH.
Varta zaznačyć, što suprać budaŭnictva parka aktyŭna vystupajuć žychary Smalavickaha rajona i miascovyja dačniki. Jany ŭpeŭnienyja, što ad takoha maštabnaha prajekta, jaki praduhledžvaje stvareńnie socień pradpryjemstvaŭ, niepaźbiežna pacierpić ekałohija. U svaju čarhu ekołahi zajaŭlajuć, što industryjalnaja zabudova ŭ rekreacyjnaj zonie Minska surjozna pahoršyć ekałahičnaje stanovišča i ŭ samim biełaruskim miehapolisie.
Ciapier čytajuć
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje88
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje8
Taćciana Zamiroŭskaja pieršy raz za 11 hadoŭ viarnułasia z ZŠA ŭ Jeŭropu. Mnohija maniery, zvyčki i navat ptuški, jakich my nie prykmiačajem, vyklikali ŭ jaje buru ŭspaminaŭ99
Kamientary