Ministry zamiežnych spraŭ krain Jeŭrasajuza na pasiadžeńni 22 krasavika abmierkavali adnosiny ź Biełaruśsiu.Pra heta paviedamlaje pres-słužba MZS Litvy pavodle vynikaŭ udziełu litoŭskaha ministra Linasa Linkiavičusa ŭ pasiadžeńni Rady ES u Luksiemburhu.
«Ministry zamiežnych spraŭ abmierkavali adnosiny ź Biełaruśsiu. Rada vitała rašeńnie pra adnaŭleńnie pracy šviedskaha pasolstva ŭ Minsku i vykazała nadzieju, što z nabližeńniem Vilenskaha samitu [Uschodniaha partniorstva] źjaviacca i inšyja prykmiety palapšeńnia adnosin ź ES», — havorycca ŭ paviedamleńni.
Pavodle infarmacyi pres-słužby, Linkiavičus taksama adznačyŭ, što ŭ śviatle samitu Uschodniaha partniorstva, što maje adbycca ŭ Vilniŭ listapadzie hetaha hoda, Jeŭrasajuz «pavinien znajści sposaby lepš uličvać čakańni partnioraŭ».
Linkiavičus zajaviŭ, što pamiłavańnie byłoha ministra ŭnutranych spraŭ Ukrainy Juryja Łucenki było «doŭhačakanym i vielmi važnym krokam, jaki śviedčyć pra toje, što Ukraina hatova zamacavać svoj jeŭrapiejski vybar i padpisać pahadnieńnie ab asacyjacyi ź ES».
Jon akcentavaŭ uvahu na tym, što ŭ sakaviku praktyčna byli zavieršany pieramovy pa pahadnieńniach ab asacyjacyi z Armienijaj, Hruzijaj i Małdovaj i vykazaŭ nadzieju na chutkaje zaviaršeńnie pieramoŭ pa pahadnieńniach ab svabodnym handli.
Varta adznačyć, što ŭ paviedamleńni pres-słužby Rady ES pavodle vynikaŭ sustrečy ministraŭ nie zhadvajecca pra toje, što na pasiadžeńni abmiarkoŭvałasia biełaruskaje pytańnie.
Prapahanda pryčapiłasia da «darahoha» hadzińnika Łatuški. Toj raskazaŭ, što heta za madel nasamreč36
Kamientary