«Budavała karjeru, kab ciapier sarvacca ŭ ahrarny? Adnaznačna tak!» Dekany Horackaj akademii zakachali ŭ siabie sacsietki
Naturalny vobraz upeŭnienych u sabie mužčyn z vyraznym biełaruskim akcentam padkupiŭ stomlenych ofisnych rabotnikaŭ i vyklikaŭ sapraŭdnuju chvalu žanočych simpatyj.
Aficyjnyja instahram-akaŭnty Biełaruskaj dziaržaŭnaj sielskahaspadarčaj akademii apublikavali rolik, u jakim zaprašajuć pastupać da ich. Dekan fakulteta bijatechnałohii i akvakultury Mikałaj Kudraviec trymaje ŭ rukach vializnuju płastykavuju butlu sa smočkaj i hładzić štučnaje ciala, prapanujučy navučyć, jak pravilna hadavać karovaŭ. Jaho kaleha, dekan ahratechnałahičnaha fakulteta Andrej Harnoŭski, prapanuje vyvučać ličbavyja technałohii i stvarać novyja sarty raślin.
Kab paźbiehnuć lišniaha stresu, jany prapanujuć zaklučać metavy dahavor i pastupać biez ekzamienaŭ. Rolik, vidavočna, byŭ aryjentavany na ŭčorašnich školnikaŭ, ale pryciahnuŭ zusim inšuju aŭdytoryju — ludziej, jakija pieražyvajuć kryzis siaredniaha ŭzrostu. Ich padkupiła ščyraść i prostaść ahraryjaŭ, jakija lubiać i nie saromiejucca svajoj spravy.
Kamientatary — ajcišniki, jakija stamilisia ad pisańnia koda, markietołahi i finansavyja dyrektary, — pryznajucca, što paśla rolika im raptam zachaciełasia kinuć svaje ofisy ŭ Minsku, Sankt-Pieciarburhu, Maskvie ci navat Łondanie i pajechać u Horki vučycca ahrarnym navukam.
«Ja ŭ kryzisie siaredniaha ŭzrostu: ahratechnałahičny fakultet».
«Mnie 47, ja zakančvaŭ BDEU, a potym jašče i vykładaŭ. Ale čamu mnie raptam zachaciełasia pastupić na fakultet, dzie mianie navučać na traktary jeździć?»
«Ja budavała karjeru ŭ markietynhu i kamunikacyjach 10 hadoŭ, kab ciapier sarvacca i źjechać u Biełaruski ahrarny? Adnaznačna tak».
«Synu pakul i troch hadoŭ niama, pačakajecie? Jon na 1/8 biełarus, projdzie pa metavym?»
U kamientarach adznačyŭsia navat rasijski błohier i ŭrbanist Illa Varłamaŭ: «Hučyć niakiepska, treba iści!». Błohieru nahadali, što ŭ jaho jašče jość čas — da 29 lipienia možna pastupić pa metavym dahavory biez ekzamienaŭ. Praŭda, adrazu papiaredzili, što adpracoŭvać daviadziecca piać hadoŭ zamiest dvuch.
Biełaruskija mužčyny kaho chočaš da siabie zamaniać
Na fonie maładych błohieraŭ-influensieraŭ, jakija pradajuć pryhožaje žyćcio, paśpiachovy pośpiech i kursy pa psieŭdanavukovych praktykach, vobraz śpiełych, salidnych mužčyn, jakija zajmajucca spravaj, maksimalna nabližanaj da ziamli, dla mnohich akazaŭsia hłytkom śviežaha pavietra. Upeŭnienyja i ščyryja, apranutyja ŭ prostyja letnija kaściumy sa śvietłymi štanami i sinimi kašulami z karotkim rukavom — jany skaryli mnohich žančyn. Hledačy adčuli ŭ hierojach videa nadziejnaść i spakoj — deficytnyja jakaści ŭ ličbavuju epochu.
«Och užo hetyja biełaruskija mužčyny. Kaho chočaš da siabie zamaniać».
«Ja adna pierahladała, kab razhledzieć, ci jość piarścionki ŭ tavaryšaŭ?».
«Zdajecca, ja chaču zamuž za biełarusa».
«Adrazu vidać — narmalnyja mužyki!»
«Tak pa-dobramu źniata… Dobraja, pazityŭnaja i karysnaja prafiesija, i takija dekany!»
Niekatoryja kamientatary, zaŭvažyŭšy vyraznaje biełaruskaje vymaŭleńnie, jakoje z pravincyi nie zdoleli vykaranić navat dva stahodździ rusifikacyi, adznačyli patencyjał, jaki pakul zastajecca nieraskrytym: «Nu čamu, čamu z takim vymaŭleńniem hetyja mužčyny nie razmaŭlajuć na movie, jakaja naturalna hučała b ź ich vusnaŭ».
Adnak biełaruskaje vymaŭleńnie nie pryjšłosia daspadoby niekatorym rasijskim purystam. Jak i toje, što miascovyja žychary pryncypova pišuć pa-rusku «biełArusy».
«I havorka takaja ž: isčo… tibia… naučym…» — pačali aburacca ŭ kamientarach.
«Havoryš na ruskaj, havary pravilna», — kateharyčna zajaviŭ chłopiec z Vałhahrada.
Biełarusy ŭ adkaz adrazu stali ŭ abaronu svajho prava na ŭłasny akcent:
«Tak my ŭ Biełarusi, a nie ŭ Rasii, u čym prykoł dačeplivacca da havorki ludziej?»
Na iraničnaje pytańnie, ci navučać u Horackaj akademii vymaŭlać litaru «he» i ci ŭvachodzić heta ŭ prahramu, pradstaŭniki ŭstanovy z žalem adkazali: «U prahramu navučańnia nie ŭvachodzić».
«Naša Niva» — bastyjon biełaruščyny
PADTRYMAĆCiapier čytajuć
Prapahanda pryčapiłasia da «darahoha» hadzińnika Łatuški. Toj raskazaŭ, što heta za madel nasamreč36
Kamientary
za svaich vaniek vychodzie. pakińcie biełarusaŭ biełaruskam