Varjactva na aŭkcyjonie: za minskuju padsobku zmahalisia 173 čałavieki
Padsobnyja pamiaškańni na vulicy Rusijanava vystavili na aŭkcyjon pa vielmi nizkich cenach — 7600—7700 rubloŭ.
Pieršaje ź ich pradadziena, pryčym za jaho razharnułasia sapraŭdnaja baraćba. Na łot płoščaj 16 kvadratnych mietraŭ pretendavali adrazu 173 udzielniki, piša Onliner.by.
U vyniku startavaja cana na 7600 rubloŭ pavialičyłasia ŭ 15,2 raza i dasiahnuła 115 140 rubloŭ (amal 40 tysiač dalaraŭ)
Niahledziačy na toje što padsobnaje pamiaškańnie pa svaich pamierach supastaŭnaje sa zvyčajnym žyłym pakojem, a taksama maje ŭłasny sanvuzieł, zrabić ź jaho aficyjnuju kvateru-studyju pavodle zakona nie atrymajecca. Status niežyłoha pamiaškańnia zastaniecca za hetymi kvadratnymi mietrami nazaŭsiody.
Pavodle ŭmoŭ pradaŭca, novy ŭłaśnik abaviazany pačać vykarystoŭvać abjekt pa lubym dazvolenym niežyłym pryznačeńni nie paźniej čym praz adzin hod paśla dziaržaŭnaj rehistracyi prava ŭłasnaści.
Tyja, chto nie paśpieŭ nabyć pieršyja 16 «kvadrataŭ», mohuć pasprabavać svaje siły ŭ tarhach za inšyja padsobnyja pamiaškańni. Nieŭzabavie adbuducca aŭkcyjony pa prodažy jašče dvuch anałahičnych pamiaškańniaŭ z bazavym ramontam i sanvuzłami (płoščaj 16 i 16,2 kv. m) — tarhi pryznačany na 28 i 30 lipienia.
Uličvajučy vialiki ažyjataž vakoł pieršaj ździełki, jość usie padstavy mierkavać, što ścipłyja startavyja ceny na astatnija łoty taksama mohuć vyraści da šaściznačnych sum.
-
Heta bolš padobna na zaharadny dom. Jak vyhladaje kvatera na 200 kvadrataŭ z terasaj u ŽK kala Dana Mall
-
Biełarusbank źbirajecca zapuścić ipateku pad 1% na novabudoŭli?
-
Čynoŭniki pierabłytali numar kvatery i zasialili žančynu nie tudy, a kali jana zrabiła ramont, zapatrabavali pamianiacca z susiedam
Ciapier čytajuć
Kolki biełarusaŭ atrymali polskaje hramadzianstva za apošni čas. Ličby ŭražvajuć8
Kolki biełarusaŭ atrymali polskaje hramadzianstva za apošni čas. Ličby ŭražvajuć
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek44
Kamientary