Zialenski: Pucin nie hatovy spynić hetuju vajnu — jon rychtujecca da mabilizacyi
«Jon choča zrabić heta paśla vybaraŭ u Dziarždumu 21 vieraśnia», — skazaŭ prezident Ukrainy.
«Pucin nie hatovy spynić hetuju vajnu — jon rychtujecca da mabilizacyi». Pra heta prezident Ukrainy Uładzimir Zialenski zajaviŭ u intervju Sky News.
«Jość danyja raźviedki, što jon [prezident Uładzimir Pucin] rychtujecca da mabilizacyi. Jon choča zrabić heta paśla vybaraŭ u Dziarždumu 21 vieraśnia. Jon choča ŭzmacnić mabilizacyju. Nie adkryta, bo baicca svajho hramadstva, ale jon zrobić heta ŭ pačatku kastryčnika, kali my nie stvorym jamu prablemy z łahistykaj, zbrojaj, bienzinam, dyzielem i kali našy partniory nie ŭviaduć poŭnyja sankcyi za jaho ahresiju», — adznačyŭ jon.
Zialenski ličyć, što heta stanie «vialikaj prablemaj», bo Pucin raźličvaje mabilizavać «ad 300 da 500 tysiač čałaviek».
«Dla jaho mabilizavać takuju kolkaść ludziej nie tak užo składana. U jaho buduć unutranyja prablemy z hetym, bo jaho hramadstva — i ja bačyŭ apytańnie — vystupaje suprać mabilizacyi. Značny pracent nasielnictva taksama vystupaje suprać vajny, ale jany ŭsio roŭna padtrymlivajuć Pucina. Jon nie zmoža chutka padrychtavać hetych ludziej. A heta znoŭ aznačaje, što jon budzie adpraŭlać na pole boju drenna padrychtavanych ludziej. A heta aznačaje vialikija straty», — zajaviŭ prezident Ukrainy.
Ciapier čytajuć
Prapahanda pryčapiłasia da «darahoha» hadzińnika Łatuški. Toj raskazaŭ, što heta za madel nasamreč37
Kamientary