Pravajdary buduć abaviazany ŭkazvać minimalnuju chutkaść dostupu ŭ internet
Ministerstva suviazi i infarmatyzacyi raspracavała prajekt źmienaŭ u praviły akazańnia pasłuh elektrasuviazi ŭ častcy jakaści pasłuh pieradačy danych. Hety dakumient abaviaža internet-pravajdaraŭ ukazvać nie tolki maksimalnuju, ale i minimalnuju chutkaść internet-dostupu,paviedamiŭ 3 maja na pres-kanfierencyi ŭ Minsku načalnik upraŭleńnia elektrasuviazi ministerstva Pavieł Pietrulevič.
«Kancepcyja dakumienta praduhledžvaje, što apieratary, jakija akazvajuć stacyjanarny dostup u internet, buduć abaviazany ŭkazvać nie tolki maksimalnuju chutkaść, jak ciapier, da prykład «da 1 Mbit/s» abo «da 10 Mbit/s», ale i ŭkazvać minimalnuju chutkaść, dapuścim «ad 512 Kb/s da «1 Mbit/s», — skazaŭ pradstaŭnik Minsuviazi.
Internet-pravajdary pavinny buduć akazvać pasłuhi pieradačy danych z chutkaściu pieradačy danych, jakaja składaje nie mienš jak 70% ad maksimalnaj chutkaści.Inšymi słovami, roźnica pamiž abiacanymi pravajdaram minimalnaj i maksimalnaj chutkaściami internet-dostupu nie pavinna budzie pieravyšać 30%.
Pavodle słoŭ Pietruleviča, prajekt źmianieńniaŭ byŭ uchvaleny pryblizna dva tydni tamu na pasiadžeńni hramadskaha savieta pry Minsuviazi, u jaki ŭvachodziać zacikaŭlenyja struktury, u tym liku apieratary elektrasuviazi, halinovyja asacyjacyi. «Prajekt dakumienta padtrymany adnahałosna. Było jaho doŭhaje abmierkavańnie, padčas jakoha my zmahli adkazać na ŭsie pytańni», — adznačyŭ jon.
Zaraz prajekt dakumienta prachodzić stadyju ŭzhadnieńnia, paśla čaho budzie pieradadzieny na zaćviardžeńnie va ŭrad.
Ciapier čytajuć
Zahnuŭsia biznes člena chakiejnaj kamandy Łukašenki, jaki abiacaŭ pabudavać łyžny maniež za Viarchoŭnym sudom uzamien na łasyja ŭčastki3
Kamientary