Upraŭleńniem Śledčaha kamitetu pa Minsku zatrymany hałoŭny inžynier kamiercyjnaha centra «Ekamiedservis», jaki adkazvaŭ za absłuhoŭvańnie aparata štučnaha dychańnia.
Raniej u ramkach raśśledavańnia kryminalnaj spravy ab hibieli 23-hadovaj pacyjentki centru Julii Kubaravaj byli zatrymanyja piać čałaviek. Heta chirurh, anestezijolah-reanimatolah, dźvie medyčnyja siastry i dyrektarka medyčnaha centru Halina Vałžankina. Adnosna Vałžankinaj pačata kryminalnaja sprava pa padazreńni va ŭčynieńni złačynstva pavodle artykuła 428 Kryminalnaha kodeksu (słužbovaja chałatnaść).
23-hadovaja Julija Kubarava pamierła paśla plastyčnaj aperacyi pa karekcyi formy nosa ŭ kamercyjnym medcentry «Ekamedservis». Aperacyja pravodziłasia naprykancy sakavika, paśla jaje dziaŭčyna čatyry tydni praviała ŭ komie. Medykam nie ŭdałosia jaje ŭratavać — 23 krasavika jana pamierła.
Kamientary