Nacbank adčakaniŭ u Polščy srebranuju manietu «Leŭ. 2013 (Leo. 2013)»
Nacyjanalny bank Biełarusi ŭvioŭ u abaračeńnie siarebranuju pamiatnuju manietu «Leŭ. 2013 (Leo. 2013)» sieryi «Znaki zadyjaka. 2013» naminałam 20 rubloŭ, probaj spłavu 925 z pakryćciom zołatam proby 999,9, masaj 28,28 h, dyjamietram 41 mm.
Jak paviedamlaje ŭpraŭleńnie infarmacyi Nacbanka, manieta maje formu kruha, ź piaredniaha i advarotnaha bakoŭ vystupaje kant pa akružnaści. Bakavaja pavierchnia maniety hładkaja.
Aviers: uviersie — reljefnaja vyjava Dziaržaŭnaha hierba Respubliki Biełaruś; u centry maniety — malunak frahmientu hraviury z raboty Ars Magna Lucis et Umbrae niamieckaha vučonaha Afanasija Kirchiera, jakaja ŭjaŭlaje ŭzajemadziejańnie niabiesnych cieł; sprava — proba spłavu, pad joj — firmienny (tavarny) znak AT «Manietny dvor Polščy»; pa kruzie nadpisy: uviersie — RESPUBŁIKA BIEŁARUŚ, unizie — naminał 20 RUBLOŬ i hod čakanki.
Reviers: u centry na fonie stylizavanaj vyjavy hadzińnikaŭ, što znachodziacca na hadzińnikavaj viežy na płoščy Śviatoha Marka ŭ Vieniecyi, — reljefnaja pazałočanaja stylizavanaja vyjava lva, sprava pa kruzie nadpis: LEO; unizie — ustaŭka: prazrystaja kapsuła, u jakoj znachodzicca ruchomy siarebrany z pazałotaj filihranny elemient u vyhladzie lva.
Manieta adčakaniena na AT «Manietny dvor Polščy», jakaściu «pruf» z pazałotaj, nakładam — da 10.000 štuk.
«Vypuščanaja ŭ abaračeńnie manieta źjaŭlajecca zakonnym płaciežnym srodkam Respubliki Biełaruś i abaviazkovaja da pryjomu pa naminalnym košcie pry ŭsich vidach płaciažoŭ biez usiakich abmiežavańniaŭ», — havorycca ŭ paviedamleńni Nacbanka.
Ciapier čytajuć
Kaleśnikava: Łukašenka moža pajści na spynieńnie represij dziela budučyni i «ź niejkaj mudraści»32
Kaleśnikava: Łukašenka moža pajści na spynieńnie represij dziela budučyni i «ź niejkaj mudraści»
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ99
Kamientary