Naohuł Biełaruś pa hetym pakazčyku ŭvachodzić u top-20 i apiaredžvaje mnohija raźvityja krainy.
U 2025 hodzie ŭ śviecie było pradadziena bolš za 18 młn čystych elektramabilaŭ. Ich dola ŭ hłabalnych prodažach novych lehkavych aŭtamabilaŭ nabliziłasia da 20%. Cikava, što Biełaruś pa hetym pakazčyku ŭvachodzić u top-20 i apiaredžvaje mnohija raźvityja krainy. Rejtynh elektramabilaŭ na asnoŭnych aŭtarynkach apublikavaŭ kiraŭnik kampanii «Aŭtastat» Siarhiej Cielikaŭ, piša Office Life.
Biezumoŭnym lidaram pa doli «elektryčak» u ahulnych prodažach novych aŭto źjaŭlajecca Narviehija — amal 96%! U top-5 pa vynikach minułaha hoda taksama ŭvajšli: Danija — 68,5%, Isłandyja — 41,2%, Niderłandy — 40,2% i Malta — 37,9%.
Siarod lidaraŭ pa hetym pakazčyku z dolaj 25—37% taksama takija krainy, jak Vialikabrytanija, Luksiemburh, Kitaj, Bielhija, Šviecyja i Finlandyja. Pry hetym, niahledziačy na toje što ŭ Kitai elektramabili składajuć kala 30% ad ahulnych prodažaŭ, kraina lidziruje pa elektryfikacyi transpartu dziakujučy vielizarnamu pamieru svajho rynku.
Što da Biełarusi, to ŭ nas dola čystych elektramabilaŭ u prodažach novych mašyn za 2025 hod, pavodle danych BAA, skłała 23%. Heta bolš, čym u siarednim pa Jeŭrapiejskim Sajuzie (17,4%), u ZŠA (8%), i na ŭzroŭni takich krain, jak Aŭstryja, Šviejcaryja i Partuhalija.
Pry hetym pry lubych padlikach Biełaruś značna apiaredžvaje pa hetym pakazčyku susiednija krainy. U Rasii, naprykład, jon składaje ŭsiaho 0,9%, u Polščy i krainach Bałtyi — kala 7%.
Minsk siońnia viečaram pahruziŭsia ŭ ciemru. Paśla zahadu Łukašenki51
Minsk siońnia viečaram pahruziŭsia ŭ ciemru. Paśla zahadu Łukašenki
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary