Novyja praviły pasadki ŭ ciahnik Vilnia — Minsk dziejničajuć z 26 maja
Ź niadzieli źmianiŭsia paradak afarmleńnia ciahnikoŭ, jakija nakiroŭvajucca ź Vilni ŭ Minsk. Ciapier kantrol pasažyraŭ na terytoryi Litvy viadziecca nie padčas ruchu ciahnika, a ŭ śpiecyjalnym terminale na vakzale ŭ Vilni. SajtVilnia-By .som daviedaŭsia, jak prajšoŭ pieršy dzień pracy pa novych praviłach.
U čakańni źmien pasažyry ź Biełarusi byli ŭ panicy. Mnohija praročyli ciskaninu i doŭhija čerhi ŭ vuzkim tuneli vilenskaha vakzału, i, jak vynik — spaźnieńnie na ciahnik. Realnaść apynułasia kudy bolš spakojnaj.
Jak paviedamili mytniki, jakija absłuhoŭvajuć ciahnik G16 Vilnia — Minsk, jaki adpraŭlajecca ź Vilni ŭ 18:14, paniki i čerhaŭ pry pasadcy nie było — pieršyja pasažyry stali źjaŭlacca adrazu paśla abviaščeńnia pasadki, za dźvie hadziny da adpraŭleńnia ciahnika.
Mytny i pamiežny kantrol, i praŭda, prachodzić chutka i spakojna. Adrazu na ŭvachodzie ŭ zonu mytnaha kantrolu biełarusy atrymlivajuć piačatku na čeku Tax Free. Pracedura nie adroźnivajecca ad toj, što pravodziłasia ŭ ciahniku — mytniki chutka štampujuć piačatki, pieryjadyčna praviarajučy najaŭnaść tavaru. Dalej pasažyry chutka prachodzili pamiežny kantrol, i adpraŭlalisia na płatformu zaharać — u ich u zapasie było amal dźvie hadziny.
Tym, chto pryjšoŭ bližej da adpraŭleńnia ciahnika, pašancavała bolš — čerhaŭ usio hetak ža nie było, i pakutlivaha čakańnia jany paźbiehli.Pa našych nazirańniach (a źjavilisia my ŭ tuneli prykładna za hadzinu da adpraŭleńnia ciahnika), praces mytnaha i pamiežnaha afarmleńnia zajmaŭ nie bolš za dziesiać chvilin. Nievialikija čerhi ŭźnikali tolki ŭ tyja momanty, kali siarod pasažyraŭ akazvaŭsia šmat žadajučych atrymać druku na čeki Tax Free.
U novaŭviadzieńni jość jašče adzin minus — tych, što pryjechaŭ pravieści ludziej, nie puskajuć u zonu mytnaha kantrolu. Tamu leśvicu, pa jakoj pasažyry padymajucca na płatformu, pryjdziecca farsiravać sa svaimi niepadjomnymi čamadanami samastojna.
Niahledziačy na niazvykłuju situacyju, u cełym atmaśfiera była spakojnaja: chtości raźvitvaŭsia, niechta śmiajaŭsia z mytnikami, niechta fatahrafaŭ dla historyi…
Adna važnaja zaŭvaha: dźviery ŭ mytnuju zonu adkryvajucca aŭtamatyčna, pry nabližeńni da ich.
Ciapier čytajuć
U milicejskim konkursie pryhažości pieramahła amapaŭka, jakaja ŭ 2020 hodie razhaniała pratesty54
Kamientary