MNS rekamienduje: Jak pavodzić siabie ŭ časie zalevy, hradu i mocnaha vietru

Nahadajem, što na siońnia, 27 maja 2013, pieradadziena štarmavoje papiaredžańnie: uvieś dzień čakajucca navalnicy, hrad i zalevy. U suviazi z hetym MNS prapanuje nastupnyja rekamiendacyi.

Jak siabie pavodzić u časie zalevy

Pry atrymańni infarmacyi pra vypadzieńni vialikich apadkaŭ ustrymajciesia ad pajezdak pa horadzie, pa mahčymaści zastavajciesia ŭ kvatery ci na pracy. Uklučycie srodki pravadnoha i radyjoviaščańnia.

Kali zaleva zaśpieła vas na vulicy, nie spuskajciesia ŭ padziemnyja pierachody i inšyja zahłyblenyja pamiaškańni. Pasprabujcie schavacca ŭ budynkach, raźmieščanych vyšej mahčymaha ŭzroŭniu padtapleńnia.

Kali budynak (pamiaškańnie), u jakim vy znachodziciesia, padtaplajecca, pasprabujcie pakinuć jaho i pierajści na bližejšaje ŭzvyšša.

Kali pakinuć budynak nie ŭjaŭlajecca mahčymym, to padnimiciesia na vierchnija pavierchi, vyklučycie elektryčnaść i haz, ščylna začynicie vokny, dźviery i paviedamicie pra svajo miescaznachodžańnie ŭ dziažurnuju słužbu MNS pa teł. 101.

Kali zaleva zastała vas u asabistym transparcie, nie sprabujcie pieraadoleć padtoplenyja ŭčastki. Pavolna pieramiaściciesia ŭ krajni pravy šerah (na ŭzbočynu) i, nie źviartajučysia da ekstranaha tarmažeńnia, spynicie ruch. Uklučycie avaryjnyja sihnały i pieračakajcie zalevu. U vypadku imklivaha prybyvańnia vady pakińcie aŭto i prajdzicie na vyšejšy ŭčastak miascovaści abo ŭ bližejšy budynak.

Jak siabie pavodzić pry mocnym vietry

Prybiarycie haspadarčyja rečy z dvara i bałkonaŭ u dom (sklep), abrežcie suchija drevy, jakija mohuć nanieści škodu vašamu žyllu.

Aŭto pastaŭcie ŭ haraž, pry adsutnaści haraža mašynu varta parkavać u miescach, dalokich ad dreŭ, a taksama słaba umacavanych kanstrukcyj.

Znachodziačysia na vulicy, abychodzicie chistkija budynki i damy ź niaŭstojlivym dacham.

Paźbiahajcie dreŭ i raznastajnych zbudavańniaŭ padvyšanaj ryzyki (mastoŭ, estakad, trubapravodaŭ, linij elektrapieradač, patencyjna niebiaśpiečnych pramysłovych abjektaŭ).

Jak abaranicca ad hradu

Pa mahčymaści nie vychodzicie z domu, znachodziačysia ŭ pamiaškańni, trymajciesia jak maha dalej ad voknaŭ. Nie karystajciesia elektrapryborami, bo hrad zvyčajna supravadžajecca navalnicaj.

Znachodziačysia na vulicy, pasprabujcie vybrać schovišča. Kali heta niemahčyma, abaranicie hałavu ad udaraŭ hradzin (nakryjcie hałavu rukami, torbaj, vopratkaj).

Nie sprabujcie znajści schovišča pad drevami, bo isnuje vialikaja ryzyka nie tolki traplańnia ŭ ich małanak, ale i taho, što bujnyja hradziny i mocny viecier mohuć łamać haliny dreŭ, što moža nanieści vam dadatkovyja paškodžańni.

Kali vy pieramiaščajecca na aŭtamabili, to spynicie ruch. Znachodziačysia ŭ aŭtamabili, trymajciesia dalej ad škła. Pažadana pavianucca da ich śpinoj (tvaram da centru sałona) i prykryć vočy rukami ci vopratkaj. Kali z vami apynulisia maleńkija dzieci, to ich nieabchodna zakryć svaim ciełam, i taksama prykryć vočy albo adzieńniem, albo rukoj. Kali dazvalajuć habaryty sałona — lepš za ŭsio lehčy na padłohu.

Ni ŭ jakim razie nie vychodźcie padčas hradu z aŭto. Pamiatajecie, što siaredniaja praciahłaść hradu składaje prykładna 6 chvilin, i vielmi redka jon praciahvajecca daŭžej za 15 chvilin.

• 0
• 0
• 0
• 0
• 0
• 0
• 0
• 0