«Vaš vizit vielmi važny dla adnaŭleńnia davieru pamiž biełaruskim bokam i vašym ofisam», — zajaviŭ ministr zamiežnych spraŭ Biełarusi Uładzimir Makiej 5 červienia ŭ Minsku pierad sustrečaj z pradstaŭnikom ABSIE pa pytańniach svabody ŚMI Duniaj Mijatavič.
Pavodle słoŭ Makieja, u bakoŭ dastatkova pytańniaŭ dla abmierkavańnia. «Apošnim razam u Biełarusi vy byli dva z pałovaj hady tamu, šmat vady vyciekła, — skazaŭ kiraŭnik MZS. — Vy viedajecie pra našy prablemy ŭ adnosinach ź ES. Niahledziačy na isnyja prablemy, my hatovy da supracoŭnictva i pastajanna ŭzajemadziejničajem z vašym ofisam».
Makiej adznačyŭ, što padčas svajho trochdzionnaha vizitu ŭ Biełaruś Mijatavič sustrakałasia z roznymi ludźmi, jakija vykazvali roznyja dumki.
«U vas jość šans adekvatna acanić situacyju ŭ Biełarusi», — zaŭvažyŭ jon.
Kiraŭnik MZS zajaviŭ, što chacieŭ byŭ pačuć ad Mijatavič pra jaje ŭražańni ad vizitu ŭ Biełaruś, i pavinšavaŭ jaje ź pieraabrańniem jašče na try hady pradstaŭnikom ABSIE pa pytańniach svabody ŚMI.
Mijatavič u svaju čarhu adznačyła, što jaje dobra prymali i jana pačuvaje siabie ŭ Biełarusi jak doma.
«Ja ŭdziačnaja, što ŭsie dźviery dla mianie byli adčynieny, mnie vielmi važna pačuć usie hałasy i ŭsie mierkavańni», — skazała pradstaŭnik ABSIE.
Jana taksama vykazała nadzieju na toje, što jaje nastupny vizit u Biełaruś adbudziecca dosyć chutka.
Paśla hetaha sustreča Makieja ź Mijatavič adbyvałasia pry začynienych dźviarach.
Ciapier čytajuć
Pasiarod iranskich bambiožak Dubaja Kirył Rudy pierabraŭsia z Emirataŭ u ZŠA: «Rady złučać kantynienty! Nie saromiejciesia da mianie źviartacca»3
Pasiarod iranskich bambiožak Dubaja Kirył Rudy pierabraŭsia z Emirataŭ u ZŠA: «Rady złučać kantynienty! Nie saromiejciesia da mianie źviartacca»
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary