«Ваш візіт вельмі важны для аднаўлення даверу паміж беларускім бокам і вашым офісам», — заявіў міністр замежных спраў Беларусі Уладзімір Макей 5 чэрвеня ў Мінску перад сустрэчай з прадстаўніком АБСЕ па пытаннях свабоды СМІ Дуняй Міятавіч.
Паводле слоў Макея, у бакоў дастаткова пытанняў для абмеркавання. «Апошнім разам у Беларусі вы былі два з паловай гады таму, шмат вады выцекла, — сказаў кіраўнік МЗС. — Вы ведаеце пра нашы праблемы ў адносінах з ЕС. Нягледзячы на існыя праблемы, мы гатовы да супрацоўніцтва і пастаянна ўзаемадзейнічаем з вашым офісам».
Макей адзначыў, што падчас свайго трохдзённага візіту ў Беларусь Міятавіч сустракалася з рознымі людзьмі, якія выказвалі розныя думкі.
«У вас ёсць шанс адэкватна ацаніць сітуацыю ў Беларусі», — заўважыў ён.
Кіраўнік МЗС заявіў, што хацеў быў пачуць ад Міятавіч пра яе ўражанні ад візіту ў Беларусь, і павіншаваў яе з пераабраннем яшчэ на тры гады прадстаўніком АБСЕ па пытаннях свабоды СМІ.
Міятавіч у сваю чаргу адзначыла, што яе добра прымалі і яна пачувае сябе ў Беларусі як дома.
«Я ўдзячная, што ўсе дзверы для мяне былі адчынены, мне вельмі важна пачуць усе галасы і ўсе меркаванні», — сказала прадстаўнік АБСЕ.
Яна таксама выказала надзею на тое, што яе наступны візіт у Беларусь адбудзецца досыць хутка.
Пасля гэтага сустрэча Макея з Міятавіч адбывалася пры зачыненых дзвярах.
-
У Беразіне прачнуліся пчолы. Дзяўчынка, якая іх пабачыла, скарыла тыкток
-
«Беларусы і ў Дубаі беларусы». Як суайчыннікі арганізавалі дапамогу тым, хто не можа вярнуцца дамоў праз закрытае неба
-
«Пад канец адпачынку даведаліся, што тут няма сховішчаў». Беларусы, што знаходзяцца ў ААЭ, расказалі, як ім там цяпер
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі12
Каментары