Nacbank sprabuje spynić «ucioki ad rubla»: banki prapanujuć depazity pad 30–35% hadavych
Staršynia Nacbanka Nadzieja Jermakova pryznała, što tolki za pieršyja dziesiać dzion lipienia biełarusy pieraviali z rublovych układaŭ u valutnyja až tryljon rubloŭ. Razam z tym Jermakova paviedamiła, što «Biełarusbank» i «Biełahraprambank» rezka ŭźniali pracentnyja staŭki pa depazitnych układach i sertyfikatach. «Staŭki vysokija, značyć, niavyhadna pieravodzić rubli ŭ valutu», — adznačyła jana.
Sapraŭdy, prapanovy biełaruskich bankaŭ pa depazitach vyhladajuć fantastyčna.
Dva depazitnyja płany ad «Biełarusbanka» — «Harantavany dachod» i «Nakaplalny» — prapanujuć 30% hadavych, pryčym pracenty pa «Harantavanym dachodzie» vyraśli ad učora adrazu na 10 punktaŭ.
Prarekłamavany Jermakovaj «Biełahraprambank» taksama padniaŭ vypłaty pa ŭkładzie «Start» na 2%, i z 17 lipienia ŭkładčyki buduć atrymlivać 30% hadavych zamiest raniejšych 28%.
Ale samym pryvabnym punktam «Biełahraprambanku» stali
Inšyja banki taksama nie adstajuć. «Ideja Bank» pavialičyŭ układ «Letni» da 33% hadavych, «MTBiełki» ad «MTB Banku» skoknuli ŭvierch z 28 da 32% hadavych, układ «Nadziejny» ad «Delta Banku» taksama vyras da 32% 12 červienia.
Samy vysoki pracent prapanujuć karotkaterminovyja ŭkłady — kab tolki ludzi tut i ciapier nie mianiali rubloŭ na valutu. Doŭhaterminovyja — mienšy, adnak usio roŭna taki, što ŭ luboha zamiežnika vočy na łob vylezuć ad 10–12% hadavoha čystaha, zdavałasia b, prybytku.
Vysokija pracenty chavajuć za saboj vysokuju ryzyku. Usim zrazumieła, što padzieńnie kursu rubla niepaźbiežnaje. Jakim jano budzie i kali? Skažam, kali na praciahu nastupnych 35 dzion kurs rubla adpuściać da 9150, h.zn. na 3,7%, čałaviek, jaki pakłaŭ na hetyja samyja 35 dzion rubli pad maksimalny pracent — h.zn. 35% u Biełahraprambanku — usio roŭna akažacca ŭ stracie, bo atrymaje nazad usiaho na 3,6% bolš, čym ukłaŭ. U dalaravym vyražeńni heta budzie mienš, čym pakłaŭ.
A chto viedaje, ci kurs adpuściać i nakolki? Ci nie adpuściać, u strachu, što navat małaja i płaŭnaja panika vykliča paniku? Toj, chto viedaje, i moža sabie dazvolić kłaści hrošy na depazity.
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza19
Kamientary