A. Milinkievič vystupiŭ z zvarotam, u jakim zaklikaje hramadzianaŭ masava padtrymać Eŭrapiejski marš na Pakroŭ.
Prapanujem Vašaj uvazie tekst zvarotu.
«Hramadzianie Biełarusi!
14 kastryčnika hałoŭnym praśpiektam stalicy projdzie Jeŭrapiejski Marš.
Heta budzie Marš dziela budučaj svabodnaj i jeŭrapiejskaj Biełarusi. Heta budzie pačatak našaha šlachu ŭ svabodnuju i abjadnanuju Jeŭropu.
Źviartajusia da ŭsich: pryjdzicie na praśpiekt i prademanstrujcie svaju volu da Svabody, svoj jeŭrapiejski vybar.
Prašu žycharoŭ haradoŭ i viosak achviaravać hety dzień Biełarusi — vašaj krainie, jakuju vy tak lubicie. Pryjedźcie na Pakroŭ u stalicu. Adčujma razam duch i moc Svabody.
Dziaŭčaty i chłopcy! Na ciabie, naša moładź, nadzieja! Słuchajcie svajo sumleńnie, rabicie dabro i ničoha nie bojciesia.
«Heta budzie Marš dziela budučaj Biełarusi, pačatak našaha šlachu ŭ svabodnuju i abjadnanuju Jeŭropu», — havorycca ŭ zvarocie.
Manifiestacyi — samy efiektyŭny sposab baraćby za svabodu. Siedziačy ŭ chacie — ničoha nie dabjemsia. Treba vychodzić! Stolki, kolki spatrebicca, kab vyzvalić samich siabie. Niama inšaj rady. Tak rabili inšyja narody Jeŭropy. Siabry Biełarusi z roznych krainaŭ Jeŭropy pryjeduć 14 kastryčnika ŭ Minsk, buduć razam z nami.
Źviartajusia da palityčnych partyjaŭ i hramadskich arhanizacyŭ, da kožnaha: niachaj pobač sa ściahami Jeŭrasajuzu ŭ hety dzień łunajuć našy śvietłyja nacyjanalnyja ściahi, niachaj na demanstracyi hučyć nacyjanalnaja mova. Niachaj na płakatach i łozunhach buduć adlustravanyja našy dumki.
Źviartajusia i da tych, chto padtrymlivaje ciapierašni palityčny i ekanamičny kurs: pryjdzicie na hałoŭny praśpiekt. My adna nacyja. U nas roŭnyja pravy i supolnaja budučynia. My — jeŭrapiejcy! My — haspadary dziaržavy, my — krynica ŭłady. Nie budzie bahataj i ščaślivaj taja kraina, dzie hramadzianaŭ trymajuć za rabsiłu. Padtrymajcie jeŭrapiejski vybar dla Biełarusi!
«Manifiestacyi — samy efiektyŭny sposab baraćby za svabodu. Siedziačy ŭ chacie — ničoha nie dabjemsia. Treba vychodzić! Stolki, kolki spatrebicca, kab vyzvalić samich siabie. Niama inšaj rady».
Kožny hod uviesnu hramadzianie vychodziać na vulicu ŭ Dzień Voli 25 Sakavika. Niachaj ad hetaha hodu Pakroŭ, 14 kastryčnika, stanie Dniom jeŭrapiejskaha vybaru biełarusaŭ.
Ad svabody vyjhrajuć usie. Navat tyja, chto ciapier jaje baicca.
Viartańnie ŭ svabodnuju i zamožnuju Jeŭropu — harantyja zachavańnia našaj niezaležnaści i kultury, raźvićcia ekanomiki, rostu dabrabyta.
Budziem razam 14 kastryčnika!
Razam – da jeŭrapiejskaj budučyni Biełarusi, budučyni našych dziaciej i ŭnukaŭ.
Alaksandr Milinkievič»
Kali Kanapackaja stała całkam padkantrolnaja Łukašenku?13
Kamientary