Suzasnavalnik kampanii «Jandeks» Illa Siehałovič pamior u łondanskaj klinicy. Jak napisaŭ u karparatyŭnym błohu «Jandeksa» hiendyrektar kampanii Arkadź Vołaž, Siehałoviča adklučyli ad aparata žyćciezabieśpiačeńnia dniom u subotu, 27 lipienia. Cieła niabožčyka pavinny dastavić u Rasiju 31 lipienia.
Raniej, u čaćvier, miedyki zafiksavali ŭ Siehałoviča śmierć hałaŭnoha mozhu, jaho cieła znachodziłasia ŭ stanie komy. «Učora ŭsie nadziei skončylisia. Navat takoje mocnaje cieła, jakoje było ŭ Ilušy, nie vytrymała, — piša ŭ błohu „Jandeksa“ Vołaž. — Źjavilisia niesumiaščalnyja z žyćciom źmieny ŭ kryvi. Treba było dać jamu syści z honaram». Data i miesca raźvitańnia ź Siehałovičam buduć nazvanyja paźniej.
U vieraśni 2012 hoda ŭ Siehałoviča, jaki zajmaŭ pasadu techničnaha dyrektara «Jandeksa» z 2003 hoda, dyjahnastavali rak straŭnika ŭ terminalnaj stadyi. Dziakujučy efiektyŭnaj chimijaterapii Siehałovič da apošniaha času zmoh vieści aktyŭnaje žyćcio. Pieršyja paviedamleńni pra śmierć Siehałoviča źjavilisia jašče 25 lipienia, ale paźniej ich adkarektavali.
Kamientary