U Pružanskim rajonie małady mužčyna zahinuŭ pad kołami ciahnika
U Pružanskim rajonie pasažyrskim ciahnikom Varšava — Maskva byŭ śmiarotna traŭmavany 26-hadovy miascovy žychar.
Jak paviedamili BiełaPAN u Bresckim adździele ŭnutranych spraŭ na transparcie, heta zdaryłasia 9 žniŭnia ŭ 23.08 na čyhunačnym pierahonie Teŭli — Arančycy niepadalok ad vioski Charki. Pavodle papiarednich źviestak, mužčyna išoŭ pa čyhunačnamu šlachu.
Mašynist ciahnika, zaŭvažyŭšy čałavieka, padavaŭ hučnyja papieradžalnyja sihnały, na jakija toj nie reahavaŭ. Niahledziačy na ekstrannaje tarmažeńnie, paźbiehnuć najezdu nie ŭdałosia. Mužčyna, žychar Pružan, zahinuŭ na miescy.
Pružanski rajonny adździeł Śledčaha kamiteta pravodzić pravierku pa hetym fakcie.
Na ŭčastku adkaznaści Bresckaha AUST heta šosty z pačatku 2013 hoda vypadak hibieli ludziej pad kołami ciahnika.
Kamientary