Biełaruski kibiermachlar chavajecca ad amierykanskaha pravasudździa
Manhetenskaja prakuratura paviedamiła ab apošnich prysudach pa hrandyjoznaj kryminalnaj spravie ab kradziažy i handli numarami dziasiatkaŭ tysiač kredytnych kart.
Pa hetaj i sumiežnych spravach pryciahnutyja da adkaznaści prynamsi 17 čałaviek z roznych krain, u tym liku Biełarusi, Rasiei i Ŭkrainy. Pra heta paviedamlaje karespandent BBC ŭ ZŠA.
Prakuratura sukupna nazyvaje ich čalcami «kiberzłačynnaj hrupoŭki Western Express», pavodle nazvy ńju-jorkskaj kampanii Western Express International, jakaja, pa słovach prakuroraŭ, vykarystoŭvałasia ašukancami dla pieravodu i admyvańnia niezakonnych prybytkaŭ.
Pavodle prakuratury Manhetenu, jakaja vosiem hadoŭ raśśledavała hetuju spravu razam z sakretnaj słužbaj ZŠA, hrupoŭka pradała bolš za 95 tysiač numaroŭ kradzienych kredytak.
Spryčynienaja paciarpiełym škoda pieravysiła 5 młn dalaraŭ.
11 fihurantaŭ spravy pryznali siabie vinavatymi i asudžanyja.
Dvoje abvinavačanych, 32-hadovy hramadzianin Małdovy Aleh Kavielin i 30-hadovy biełarus Dźmitry Burak chavajucca ad pravasudździa.
Kavielin pa źviestkach śledztva nibyta specyjalizavaŭsia na tym, što padmanam vyviedvaŭ u paciarpiełych asabistyja dadzienyja i uzłomvaŭ ich rachunki.
Burak byŭ administrataram forumu DumpsMarket, na jakim kibieerzłačyncy pradavali i kuplali numary kredytak i inšyja dadzienyja.
U elektronnaj pošcie Buraka nibyta byli znojdzieny bolš za 55 tysiač kradzienych numaroŭ kredytak.
Suprać jaho raspačataja analahičnaja sprava ŭ Kalifornii.
Ciapier čytajuć
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ3
Kamientary