Dla Biełarusi vynik u kanflikcie «Biełaruśkalija» z rasijskaj kampanijaj «Urałkalij» budzie pazityŭnym.
Upeŭnienaść u hetym vykazaŭ ministr ekanomiki Biełarusi Mikałaj Snapkoŭ padčas pramoj telefonnaj linii, arhanizavanaj u haziecie «Respublika».
«Ja niejak mieŭ mahčymaść čytać daśledavańnie adnoj łondanskaj kampanii, jakaja acaniła šerah scenaryjaŭ hieapalityčnaha raźvićcia. Z punktu hledžańnia Kitaja, Rasii, z pazicyi ŭmacavańnia i pasłableńnia hetych krain, z vysnovami, chto ŭ rehijonach budzie daminavać, chto nie budzie i h.d.
I va ŭsich scenaryjach dla Biełarusi byŭ pazityŭ. My nasamreč takaja kraina, u takim miescy, z takim narodam, što, što b ni zdaryłasia, u kančatkovym vypadku ŭsio vylivajecca dla nas u pazityŭ.
Napeŭna, tamu što my pad Boham. Tamu ja ŭpeŭnieny, što i „kalijnaja epapieja“ skončycca ŭ vyniku dla nas pazityŭna», — skazaŭ Snapkoŭ.
«Pa maich asabistych acenkach, naša kampanija lepšaja, čym «Urałkalij». Choć sabiekošt ekspartu ŭ nas trochi vyšejšy (na 100 dołaraŭ za tonu), ale ŭ nas značna lepšaja łahistyka.
I ja ŭpeŭnieny, što my całkam zdolnyja samastojna siabie pazicyjanavać na kalijnym rynku niezaležna ad taho, jakaja formuła budzie ŭ dalejšym: košt abo abjomy, jak pradekłaravaŭ «Urałkalij», — zajaviŭ kiraŭnik Minekanomiki.
«I ŭ svaich acenkach ja nie adzinoki. Mnohija ekśpierty kažuć, što kanflikt budzie karotkačasovym.
I „Urałkalij“, jak bok, što razarvaŭ adnosiny, pavinien budzie damovicca, kab zachavać na rynku parytet.
Choć lubuju spravu lepš rabić razam. Heta chutčej, vyhadniej. Adna hałava dobra, ale dźvie — lepš.
Ale kali ŭsio ž i budzie zachoŭvacca takaja situacyja, ja ŭpeŭnieny, što my nijakim čynam nie źnikniem», — skazaŭ Snapkoŭ.
***
Nahadajem, 26 žniŭnia Hienprakuratura Biełarusi paviedamiła ab raspačynańni kryminalnaj spravy ŭ dačynieńni da šerahu kiraŭnikoŭ ZAT «Biełaruskaja kalijnaja kampanija» (BKK), siarod jakich staršynia nahladalnaha savieta BKK, hiendyrektar «Urałkalija» Uładzisłaŭ Baŭmhiertnier. Jany abvinavačvajucca na padstavie č. 3 art. 424 KK (złoŭžyvańnie ŭładaj i słužbovymi paŭnamoctvami).
Baŭmhiertnier byŭ zatrymany ŭ Minsku paśla pieramoŭ z prem'
Ciapier čytajuć
Taćciana Zamiroŭskaja pieršy raz za 11 hadoŭ viarnułasia z ZŠA ŭ Jeŭropu. Mnohija maniery, zvyčki i navat ptuški, jakich my nie prykmiačajem, vyklikali ŭ jaje buru ŭspaminaŭ88
Kamientary