Pa padazreńni ŭ raspaŭsiudžvańni pahroz ab vybuchu škoł u Maładziečnie zatrymanyja dźvie asoby. Pra heta paviedamiła aficyjny pradstaŭnik Śledčaha kamiteta Julija Hančarova.
«Zaraz pravodziacca nieabchodnyja śledčyja dziejańni i apieratyŭna-
vyšukovyja mierapryjemstvy» , — adznačyła aficyjny pradstaŭnik SK.
Jak paviedamlałasia, ranicaj 5 vieraśnia ŭ dźvie škoły Maładziečna pryjšli pa pošcie listy, u jakich utrymlivalisia pahrozy padarvać navučalnyja ŭstanovy,
kali na ŭkazany rachunak nie buduć pieraličanyja $10 tys. Paźniej takija ž kanvierty pryjšli jašče ŭ vosiem škoł horada.
Orhany ŭnutranych spraŭ mamientalna adreahavali na pahrozu — usie školniki i piersanał škoł byli evakujavanyja, a ŭ budynki nakiravany piratechničnyja hrupy ŭnutranych vojskaŭ MUS, a taksama śpiecyjalnaje padraździaleńnie pa baraćbie z teraryzmam «Ałmaz».
Usie škoły staranna abśledavali, nijakich vybuchovych pryład znojdziena nie było.
Pa paviedamleńniach ab zaminiravańni ustanoŭ adukacyi horada Maładziečna Upraŭleńniem Śledčaha kamiteta Biełarusi pa Minskaj vobłaści raspačata kryminalnaja sprava.
Dziejańni złamyśnikaŭ kvalifikavanyja jak zahadzia iłžyvaje paviedamleńnie ab niebiaśpiecy, što paciahnuła ciažkija nastupstvy
(č.2 art.340 Kryminalnaha kodeksa Biełarusi, jaki praduhledžvaje da 7 hadoŭ pazbaŭleńnia voli).
Kamientary