Biełaruś pryniała rašeńnie vydzielić materyjały ŭ dačynieńni da rasijskich hramadzian, jakija prachodziać pa «kalijnaj spravie», u asobnuju vytvorčaść i pieradać ich u Hienprakuraturu Rasii.
Ab hetym 16 vieraśnia paviedamiŭ žurnalistam u Maskvie namieśnik hienieralnaha prakurora RF Alaksandr Źviahincaŭ, paviedamlajuć rasijskija infarmahienctvy.
Pavodle słoŭ Źviahincava, «siońnia adbyłasia telefonnaja razmova z hienprakuroram Biełarusi Alaksandram Koniukam», padčas jakoj stała viadoma, što adpaviednyja ŭkazańni kiraŭnik biełaruskaj Hienprakuratury ŭžo daŭ śledčym orhanam.
Nieŭzabavie paśla zajavy Źviahincava infarmavanaja krynica paviedamiła rasijskamu Interfaksu, što paśla pieradačy ź Biełarusi ŭ Hienprakuraturu Rasii materyjałaŭ pa «kalijnaj spravie» paŭstanie pytańnie ab vydačy hiendyrektara «Urałkalija» Uładzisłava Baŭmhiertniera, jaki ciapier znachodzicca ŭ SIZA KDB.
Urešcie, dadaŭ jon, moža być i tak, što śledčyja z Rasii na niejkim etapie pryjeduć u Minsk, kab pracavać z aryštavanym biźniesmienam.
Tak ci inakš, pytańnie ab vydačy Baŭmhiertniera budzie vyrašacca ŭ chodzie pieramoŭ pamiž dvuma prakurorami i, mahčyma, na palityčnym uzroŭni, dadała krynica.
Hiendyrektar «Urałkalija», kiraŭnik nahladalnaha savieta ZAT «Biełaruskaja kalijnaja kampanija» (BKK) Uładzisłaŭ Baŭmhiertnier byŭ zatrymany ŭ Minsku 26 žniŭnia.
Pavodle infarmacyi Śledčaha kamiteta, jon abvinavačvajecca pa č. 3 art. 424 Kryminalnaha kodeksa (złoŭžyvańnie ŭładaj i słužbovymi paŭnamoctvami).
Ciapier čytajuć
U sacsietkach Chlastova apublikavałasia videa, zapisanaje na vypadak jaho zatrymańnia. Sam śpiavak na Akreścina15
Kamientary