Papularnaja polskaja piśmieńnica pamierła va ŭzroście 81 hoda. «Humarystyčnaść navakolnaha śvietu prasočvajecca ŭ maju prozu. Heta nie satyra, tolki adbitak kretynstva, jakoje dziejecca vakoł nas», — kazała jana pra svaju tvorčaść.
Chmialeŭskaja naradziłasia ŭ 1932 u Varšavie. Pisała detektyvy, trylery, knižki dla dziaciej i moładzi. Prysutničała na litaraturnaj scenie ad 1960-ch. Da jaje najpapularniejšych tvoraŭ naležać: «My ŭsie padazravanyja», «Krakadził z krainy Karaliny», «Što skazaŭ niabožčyk». U vieraśni vyjšaŭ jaje čarhovy kryminalny raman — «Vynik złačynstva».
U asnovie knižak Chmialeŭskaj zazvyčaj lažyć kryminalny siužet, na jaki abapirajecca fabuła, poŭnaja niečakanych pavarotaŭ dziei, kamičnych, časta hratesknych situacyj.
Kožnaja novaja knižka Chmialeŭskaj rabiłasia ŭ Polščy biestsieleram. Ahulny nakład jaje tvoraŭ u Polščy — bolš za 6 młn asobnikaŭ. U Rasiei piśmieńnica była najpapularniejšym zamiežnym aŭtaram — sumarny nakład jaje tvoraŭ siahaŭ 8 młn asobnikaŭ. Na biełaruskuju tvory Chmialeŭskaj nie pierakładalisia. Pierakładčyki, siarod inšaha, tłumačać heta zanadta darahimi aŭtarskimi pravami na jaje tvory.
Ciapier čytajuć
Što viadoma pra Maksima Palanskaha i Mikałaja Śvirydava — biełaruskich alpinistaŭ, jakija źnikli ŭ harach Kyrhyzstana3
Kamientary