Prezident Rasii Uładzimir Pucin uznačaliŭ rejtynh samych upłyvovych ludziej śvietu pavodle viersii časopisa Forbes.
Za hod rasijski prezident pierasunuŭsia z treciaha na pieršaje miesca śpisu, adcisnuŭšy prezidenta ZŠA Baraka Abamu, jaki zajmaŭ pieršaje miesca ŭ 2012 hodzie, i kanclera Hiermanii Anhiełu Mierkiel.
Dalej za Pucinym u śpisie iduć prezident ZŠA Barak Abama i staršynia KNR Si Czińpiń.
Kiraŭnik rasijskaj redakcyi Forbes Lizavieta Asiacinskaja padkreśliła, što hety rejtynh składajecca vyklučna amierykanskaj redakcyjaj.
Ale kali b jana składała jaho, to ŭsio ž pastaviła b na pieršaje miesca kitajskaha lidara Si Czińpinia.
Usiaho ŭ śpis časopisa ŭvajšli 72 čałavieki — pa adnamu na 100 młn čałaviek 7-miljardnaha nasielnictva ziamnoha šara.
Rasijski Forbes paviedamlaje, što miescy ŭ śpisie raźmiarkoŭvajucca pavodle subjektyŭnaj dumki kiraŭnikoŭ amierykanskaha vydańnia časopisa.
Jak adznačaje Forbes, pry składańni rejtynhu ŭličvalisia try krytery: kolkaść ludziej pad kiravańniem udzielnika śpisu, najaŭnyja ŭ jaho rasparadžeńni finansavyja resursy i kolkaść śfier hramadskaha žyćcia, na jakija hety čałaviek akazvaje ŭpłyŭ.
U pieršuju dziasiatku ŭvajšli papa Francišak (4-je miesca), dalej iduć kancler Hiermanii Anhieła Mierkiel, były kiraŭnik kampanii Microsoft Bił Hiejts, kiraŭnik Fiederalnaj reziervovaj sistemy ZŠA Ben Biernankie, karol Saudaŭskaj Aravii Bin Abdułaziz Al Saud, kiraŭnik Jeŭrapiejskaha centrabanka Marya Drahi i kiraŭnik amierykanskaj karparacyi Walmart Majkł Djuk.
Kamientary