Siamji piensijanieraŭ ź vioski Jamnaje Rahačoŭskaha rajona milicyja viarnuła kania, skradzienaha ŭ ich čatyry hady tamu.
Vosiem hadoŭ dapamahaŭ u sielskahaspadarčych pracach pažyłoj pary Marčankaŭ koń pa mianušcy Pryhažun, a 19 červienia 2009 h. žyviołu vykrali nieviadomyja.
69-hadovy haspadar nastolki mocna pieražyvaŭ, što ŭ jaho navat adnialisia nohi.
Usie hetyja hady supracoŭniki miascovaj milicyi pastajanna naviedvali pažyłoha čałavieka, raz-poraz prapanoŭvajučy źjeździć na čarhovaje apaznańnie znojdzienaha kania. Ale ŭsio było daremna.
Adnak čarhovaja takaja prapanova, narešcie, akazałasia ŭdałaj. Haspadar i Pryhažun paznali adzin adnaho.
Namieśnik načalnika ŭpraŭleńnia kryminalnaha vyšuku UUS Homielskaha abłvykankama Alaksandr Padabied raspavioŭ, što kradziež ździejśniŭ žychar Žłobinskaha rajona.
Raniej užo sudzimy za takoje złačynstva cyhan adrazu ž abmianiaŭ pryhožaha žarabca na inšaha kania. Novy haspadar u svaju čarhu pierapradaŭ Pryhažuna nazad u Rahačoŭski rajon, dzie koń i byŭ znojdzieny praz čatyry hady.
Darečy, sioleta siamja piensijanieraŭ Marčankaŭ adznačyła 50- hodździe sumiesnaha žyćcia i viartańnie Pryhažuna ŭspryniała jak jašče adzin padarunak da jubilejnaj daty.
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami21
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4949
Kamientary