«Z abodvuch słoŭ — dva mima». Słuckaja šaŭrmiačnaja zasmuciła biełarusaŭ pamyłkami ŭ biełaruskamoŭnaj rekłamie
Papularyzacyja biełaruskaj movy siarod brendaŭ stała trendam. Adnak časam atrymlivajecca niaŭdała. Na adnu z takich rekłam źviarnuła ŭvahu karystalnica Threads Alaksandra.
Čarhovy incydent zdaryŭsia ŭ Słucku. Šaŭrmiačnaja «Barsuk» zrabiła svoj banier z nadpisam «Rychtujem z kachańniem».
Z punktu hledžańnia biełaruskaj normy, u karotkim słohanie dapuščana dźvie pamyłki.
Ježu hatujuć, a nie rychtujuć. I «kachańnie» ŭ biełaruskaj movie maje vuzkuju siemantyčnuju śfieru — słova paznačaje hłybokija ramantyčnyja pačućci pamiž partniorami. A voś słova «luboŭ» źjaŭlajecca ŭniviersalnym dla vyjaŭleńnia stanoŭčych emocyj — «luboŭ da pracy», «luboŭ da radzimy», «hatavać ź luboŭju».
U kamientarach čytačy aburanyja tym, što ŭładalniki biznesu tak nieachajna padyšli da svajoj ža rekłamy.
- «Z abodvuch słoŭ — dva mima».
- «Heta jak «vaviorki» ŭ składzie praduktaŭ».
- «Achviary huhł-pierakładčyka».
Ale častka čytačoŭ usio ž adznačyła, što sam fakt zvarotu biznesu da biełaruskaj movy — heta pazityŭnaja tendencyja, navat kali jana patrabuje pracy nad pamyłkami.
«Nu choć tak. Choć niapravilna, ale na movie», — adznačajuć adny karystalniki, zaklikajučy być bolš łajalnymi.
«Jany chacia b starajucca», — dadajuć inšyja.
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary
Nie zusim ramantyčnyja, chutčej eratyčnyja pačućci.