Premjer-ministr Łatvii zajaviŭ pra adstaŭku paśla trahiedyi ŭ «Maksimie»
Premjer-ministr Łatvii Vałdys Dambroŭskis u sieradu paśla razmovy z prezidentam krainy Andrysam Berzińšam niečakana abviaściŭ ab rašeńni pakinuć svoj post, paviedamlaje partał rus.delfi.lv.
Jak zajaviŭ palityk, jaho rašeńnie abumoŭlena padziejami ŭ Zolitude, a taksama tym, što «krainie patrebny ŭrad, jaki ŭ stanie vyrašyć siońniašniuju situacyju».
Premjer padziakavaŭ žycharam Łatvii za akazanuju padtrymku, a taksama paprasiŭ prabačeńnia za toje, što nie atrymałasia.
«Pa-mojmu, u hetaj situacyi patreby novy ŭrad z padtrymkaj parłamienckaj bolšaści i novym mandatam davieru», — pryznaŭ jon.
Dambroŭskis byŭ adzinym premjeram u historyi Łatvii, jaki ŭznačalvaŭ try ŭrady zapar. Jon taksama kiravaŭ Kabinietam ministraŭ rekordny termin — z 12 sakavika 2009 hoda. Ciapierašni ŭrad byŭ 17-m u sučasnaj historyi Łatvii.
Realnuju ŭładu ŭ Łatvii maje premjer, a prezident vykonvaje simvaličnyja funkcyi.
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm15
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2727
Kamientary