U Hruzii turystcy złamali nos za «ruskuju movu», kaža jaje siabroŭka VIDEA
U palicyi inšaja viersija: jany śćviardžajuć, što dziaŭčaty sprabavali sarvać viasielle.
Usio zdaryłasia ŭ hateli-buciku Agarani Estate u Kachietyi, prykładna za dźvie hadziny ad Tbilisi.
Pavodle słoŭ Paliny Kurta, uładalnicy akademii pa afarmleńni brovaŭ, jakaja žyvie ŭ Rasii, kanflikt pačaŭsia z taho, što mužčyna z susiedniaha numara pačuŭ, jak dziaŭčaty na bałkonie razmaŭlajuć pa-rusku. Jon daviedaŭsia na resepšenie numar, dzie jany žyvuć, pryjšoŭ da ich i paśla karotkaj pierapałki ŭdaryŭ u tvar Juliju, siabroŭku Paliny, jakaja adčyniła dźviery. Na videa mužčyna adkazvaje na słovy «ty ŭ maim pakoi» frazaj «a ty ŭ majoj krainie» i zhadvaje «bratoŭ».
Sama Palina naradziłasia va Ukrainie, ale paśla pierajechała ŭ Rasiju. U Hruziju, pa jaje słovach, jana prylacieła, kab sustrecca sa svaimi siabrami z abiedźviuch krain.
Pavodle danych hruzinskaha MUS, kanflikt pačaŭsia inakš: dziaŭčaty nibyta sarvali viasielle, jakoje prachodziła ŭ hateli, — abražali haściej i ablili vadoj aparaturu z bałkona. Mužčyna, jaki napaŭ, — svajak niaviesty, jaki ŭ lutaści ŭdaryŭ turystku, złamaŭšy joj nos.
Paciarpiełuju Juliju špitalizavali, a napadnika zatrymali.
Rejtynh hatela Agarani Estate abvaliŭsia da 2,6 zorki z-za chvali niehatyŭnych vodhukaŭ u Google.
Ciapier čytajuć
Prapahanda pryčapiłasia da «darahoha» hadzińnika Łatuški. Toj raskazaŭ, što heta za madel nasamreč36
Kamientary