Estafietnaja honka ŭ žančyn u italjanskim Antcholcy na etapie Kubka śvietu pa bijatłonie była spyniena i na siońnia admieniena. Pieršy etap prajšoŭ u vydatnych umovach nadvorja, ale na druhim adrezku estafiety nad stadyjonam apuściŭsia husty tuman, i stralba ŭ takich umovach stała absalutna niemahčymaj.
«Tuman nastolki ščylny, što nie vidać mišeni. Bačnaść 10—12 mietraŭ, i niama nijakaj mahčymaści praciahvać estafietu», — skazaŭ adzin z arhanizataraŭ honki «Jeŭrasportu».
Rašeńnie pra dalejšy los hetaha startu budzie pryniata paźniej.
Mahčymyja dva varyjanty raźvićcia padziej:
admiena honki ŭ kalendary, abo praviadzieńnie jaje ŭ inšy dzień — zaŭtra abo na praciahu adnaho z zaklučnych etapaŭ Kubka śvietu.
Honka była spyniena pierad druhoj stralboj (stojka) na druhim etapie. Lidaram da taho momantu źjaŭlałasia zbornaja Rasii. Zbornaja Biełarusi znachodziłasia na 15-m miescy.
Mužčynski start pakul płanujecca pravieści ŭ raniej zapłanavanyja terminy.
Kamientary