Эстафетная гонка ў жанчын у італьянскім Антхольцы на этапе Кубка свету па біятлоне была спынена і на сёння адменена. Першы этап прайшоў у выдатных умовах надвор'я, але на другім адрэзку эстафеты над стадыёнам апусціўся густы туман, і стральба ў такіх умовах стала абсалютна немагчымай.
«Туман настолькі шчыльны, што не відаць мішэні. Бачнасць 10—12 метраў, і няма ніякай магчымасці працягваць эстафету», — сказаў адзін з арганізатараў гонкі «Еўраспорту».
Рашэнне пра далейшы лёс гэтага старту будзе прынята пазней.
Магчымыя два варыянты развіцця падзей:
адмена гонкі ў календары, або правядзенне яе ў іншы дзень — заўтра або на працягу аднаго з заключных этапаў Кубка свету.
Гонка была спынена перад другой стральбой (стойка) на другім этапе. Лідарам да таго моманту з'яўлялася зборная Расіі. Зборная Беларусі знаходзілася на 15-м месцы.
Мужчынскі старт пакуль плануецца правесці ў раней запланаваныя тэрміны.
Каментары