U kinateatry «Centralny» adbudziecca pakaz dakumientalnaj stužki Mumina Šakirava.
Šturkom dla stvareńnia filma stała historyja, jakaja adbyłasia ŭ efiry telešou kanała Muz-TB «Biezumno krasivyje». U bliźniataŭ Ksienija i Jaŭhienii Karatyhinych zapytalisia, što takoje Chałakost. Jany nie viedali i vykazali mierkavańnie, što heta «klej dla špaleraŭ».
Taki adkaz vyklikaŭ šok i aktyŭnaje abmierkavańnie ŭ interniecie.
U sakaviku 2012 hoda žurnalist i režysior Mumin Šakiraŭ zaprasiŭ dziaŭčat u efir «Radyjo «Svaboda», kab razabracca ŭ ich losie i vyśvietlić pryčyny ich niedaśviedčanaści. Padčas hetaj sustrečy Šakiraŭ vyrašyŭ arhanizavać dla siaścior pajezdku ŭ Aśviencym, dzie padčas Druhoj suśvietnaj vajny było źniščana kala 1,4 miljona čałaviek.
Hetaja vandroŭka, a taksama naviedvańnie muzieja ŭ Aśviencymie, nadzvyčaj uzrušyli dziaŭčat. Hetyja padziei stali temaj filma Mumina Šakirava «Chałakost – klej dla špaleraŭ?»,
jaki pryniaŭ udzieł u šerahu mižnarodnych fiestyvalach.
27 studzienia, u Mižnarodny dzień pamiaci achviar Chałakosta, kampanija «Adkrytaje kino», a taksama stvaralniki filma pradstaviać jaho ŭ staličnym kinateatry «Centralny». Pačatak ŭ 18:30.
Ciapier čytajuć
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm1818
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm18
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać3434
Kamientary