Słavacki dyplamat: Niekalki tydniaŭ my byli śviedkami zapałochvańnia ludziej
"Biełaruskija ludzi chočuć žyć u Jeŭropie nie tolki hieahrafična, ale i raździalać jeŭrapiejskija kaštoŭnaści — pra heta śviedčyć praviadzieńnie Jeŭrapiejskaha maršu" — tak prakamientavaŭ u intervju BiełaPAN padziei, što adbyvajucca ŭ Minsku, časovy pavierany ŭ spravach Słavakii ŭ Biełarusi Lubamir Rehak.
Pavodle jaho słoŭ, praviadzieńniem akcyi hramadzianskaja supolnaść Biełarusi vykazała "padtrymku tych impulsaŭ, jakija davaŭ biełaruski ŭrad, kažučy ab svaim žadańni zblizicca ź Jeŭropaj". Pry hetym Ł.Rehak zaznačyŭ: "My nie možam skazać, što mierapryjemstva prachodzić bieśpieraškodna. Na praciahu niekalkich tydniaŭ my byli śviedkami zapałochvańnia ludziej, aryštaŭ i zatrymańniaŭ za raspaŭsiudžańnie infarmacyi pra Jeŭrapiejski marš".
Ł.Rehak źviarnuŭ uvahu na "vielmi aryhinalnyja" łozunhi, što źjavilisia padčas mitynhu kala Akademii navuk, — "Lahčej biehać pa karnizie, čym atrymać u Jeŭropu vizu", "Nie dali vizu! Jakaja nizaść!" "Jeŭropa, davaj siabravać!". "Hetyja płakaty dastali z bahažnikaŭ mašyn, što stajać na stajancy, dzie dazvolena było znachodzicca tolki aŭtamabilam dziaržaŭnych ŚMI i mašynam z zaciemnienym škłom", — skazaŭ Ł.Rehak.
Aprača słavackaha dypłamata za chodam Jeŭrapiejskaha maršu nazirali pasły ZŠA, Łatvii, Estonii, Litvy, Čechii, Šviecyi, Francyi, Hiermanii.
Ciapier čytajuć
Łatuška pieramoh usich na vybarach u Kaardynacyjnuju radu13
Łatuška pieramoh usich na vybarach u Kaardynacyjnuju radu
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary